Universitetda bugungi kunda 2 nafar KOICA ko'ngilli o'qituvchisi faoliyatini olib bormoqda. Ko'ngilli o'qituvchilar sonini maqsadli ko'paytirish maqsadida universitet xalqaro hamkorlik departamenti doimiy ravishda hamkorlik olib bormoqda.
Hamkorlik doirasida 22-iyul kunida KOICA dasturlar menejeri Lee Sora, KOICA ning universitetga biriktirilgan yangi ko'ngilli o'qituvchisi Kwak Deuk tashrifi amalga oshirildi. Uchrashuvda KOICAning BuxDUda faoliyat olib borayotgan ko'ngilli o'qituvchisi Joo Deok, Xalqaro hamkorlik bo'yicha prorektor A.Jo'rayev, departament boshlig'i M.Qilichovlar o'rtasida davra suhbati tashkil etildi.
Suhbat davomida KOICA hamkorlik tashkiloti hamda BuxDU o'rtasidagi hamkorlik aloqalarini mustahkamlash hamda KOICA markazi faoliyatini kengaytirish muhokama qilindi. Shuningdek, yangi o'qituvchiga universitet to'g'risida ma'lumotlar berilib, IT sohasining muhimliligi, universitetda raqamlashtirish maqsadida olib borilayotgan loyihalar va ularni rivojlantirish borasidagi rejalar to'g'risida ma'lumotlar berildi. Hamda yangi ko'ngilli o'qituvchi Kwak Deuk bilan hamkorlikda kichik loyihalar doirasida ham ishlash kelishildi.
Ma'lumot uchun, avgust oyida ham yana birta ko'ngilli o'qituvchi tashrifi kutilmoqda. KOICA ko'ngilli o'qituvchilari soni avgustda 4 taga yetib, respublika OTMlari o'rtasida ularning soni bo'yicha birinchi bo'ladi.
