Joriy yilning 14-mart kuni Buxoro davlat universitetining faollar zalida “Say “Yes” to Friendship” nomli xalqaro do’stlikni tarannum etuvchi tadbir o’tkazildi. Tadbir Ma’naviyat va ma’rifat bo’limi, “Kamolot” YoIH, O’zbekiston Yaponiya markazi hamda Fakultetlararo chet tillari kafedrasi hamkorligida tashkil qilindi.Tadbirni tashkillashtirishda Filologiya fakultetining o’qituvchilari N.N.Voхidova, M.H.Niyazova, N,Sh. Shukurova, N.A.Kadirova, G.A.Isayeva, L.Ikramova, N.M.Qayumovalar faol ishtirok etishdi.Talabalar madaniy va ilmiy bilimlarini oshirish, chet tillarda ravon gaplasha olish qobiliyatlarini shakllantirish, millatlararo totuvlikni rivojlantirish, O’zbekistonning xalqaro aloqalar bo’yicha bilimlarini kengaytirish maqsadida tashkil qilingan tadbirda Turizm fakulteti, Rus filologiyasi 3-bosqich talabalari hamda Jismoniy madaniyat fakulteti bir guruh talabalаri faol ishtirok etishdi. Talabalar dunyoning 8 ta davlatini tanlab, shu davlat haqida to’liq ma’lumot beradigan, uning qadriyat va madaniyatini namoyish etuvchi ko’rgazmalar tashkil qilishdi. Faollar zalida esa sahna ko’rinishlari namoyish etildi. Tadbirni o’tkazishda talabalar zamonaviy texnologiyalardan ya’ni internetdan keng foydalanishdi. Hay’at azolari talabalarning chiqishlarini baholab, 1,2,3 orinlar Universitet diplomlari bilan, qolgan guruhlar esa tashakkurnoma bilan taqdirlanishdi. “Kamolot” YIH BT tomonidan faol ishtirok etgan guruhlarga kitob sovg’a qilindi. Tadbir yuqori ko’tarinki ruhda o’tkazildi.