Buxoro davlat universitetida 2024/2025-o‘quv yili uchun kunduzgi ta’lim shakli bo‘yicha alohida iqtidor talab qiluvchi ta’lim yo‘nalishlariga kasbiy (ijodiy) imtihonlar 5-iyul sanasidan boshlandi. Ayni kunlarda imtihon jarayonlari jami 17 ta ta'lim yo'nalishi bo'yicha qizg‘in davom etmoqda. Kasbiy (ijodiy) imtihonlarda ishtirok etish uchun jami 1108 nafar abituriyent ro'yxatdan o'tgan.
✔️Bugun universitetda imtihonlarning 7-kuni bo'lib o'tmoqda va unda 168 nafar abituriyent Sport faoliyati: kurash, Adaptiv jismoniy tarbiya va sport, Sport faoliyati : basketbol, Amaliy san’at: amaliy san’at asarlarini ta`mirlash, amaliy san’at: me`moray yodgorliklar bezagini ta`mirlash, Cholg’u ijrochiligi: an’anaviy cholg’ular kabi yo’nalishlar bo'yicha sinovdan o'tkazilmoqda.
Kasbiy (ijodiy) imtihonlar o'tkaziladigan ta'lim yo'nalishlari va imtihonlar o'tkaziladigan manzillar quyidagi havolada: https://drive.google.com/file/d/1jxElk3A339LRwp6UET5V3Gv9ESqd52Vn/view
Manzilda sinov jarayonlarining shaffof va adolatli o‘tishini ta’minlash uchun Oliy ta’lim, fan va innovatsiyalar vazirligining ishchi guruhi a’zolari, mas’ullar, shuningdek, jamoatchilik vakillari tomonidan nazorat o‘rnatilgan.
Kasbiy (ijodiy) imtihonlarni yuqori saviyada o‘tkazish uchun universitetda imtihonlarni camera.buxdu.uz sayti orqali jonli efirda kuzatib borish imkoniyati yaratilgan “Ota-onalar kutish joyi” tashkil qilinib, Tibbiy xizmat hamda tartibni saqlash uchun Milliy gvardiya zobitlari jalb qilingan.
BuxDU Matbuot xizmati
