Mamlakatimizda jismoniy madaniyat va sportga bo’lgan e’tibor davlat siyosatining ustuvor yo’nalishlaridan biri sanaladi. O’sib kelayotgan yosh avlodni jismoniy tarbiya va sportga keng jalb etish, xususan xotin-qizlar sportini rivojlantirish bugungi kunning eng muhim dolzarb vazifalaridan biridir. Shu maqsadda keyingi yillarda yurtimizda xotin-qizlar sportiga katta e’tibor qaratilib, ularga sportning barcha turlari bilan muntazam shug’ullanishga etarli shart-sharoit yaratilmoqda. Ma’murov B. BuxDU jismoniy madaniyat fakulteti dekani, pedagogika fanlari nomzodi XOTIN-QIZLAR SPORTI: IMKONIYATLAR VA ISTIQBOLLAR Buxoro davlat universitetida “Xotin-qizlar sporti: imkoniyatlar va istiqbollar” mavzusida respublika ilmiy-amaliy anjumani o’tkazildi. Unda respublikamizning turli oliy o’quv yurtlari professor-o’qituvchilari, xorijlik olimlar, sport murabbiylari hamda talabalar ishtirok etdi. Tadbirda BuxDU rektori A.To’lagov va boshqalar ma’ruza qilishdi. Ularda oila va mahallalarda xotin-qizlar jismoniy tarbiyasini takomillashtirish, jismoniy madaniyat ta’lim tizimida innovasion texnologiyalardan foydalanish hamda bo’lajak mutaxassislarning akmeologik yondashuv asosida kasbiy tayyorgarligini loyihalash texnologiyasining nazariy va amaliy masalalari muhokama qilindi.- Mamlakatimizda sportni, ayniqsa, xotin-qizlar sportining ilmiy asosida tashkil etilayotganligi ulkan yutuqlar garovi bo’lmoqda, - dedi O’zbekiston davlat jismoniy tarbiya instituti professori, pedagogika fanlari doktori F.Kerimov. – bugungi anjuman katnashchilari oldiga sportni ilmiy asosida tashkil etish muammolarini o’rganish vazifasining qo’yilayotgani va ularning mutaxassislar tomonidan keng muhokama qilinayotganligi diqqatga sazovordir.Shuningdek, anjuman ishida ishtirok etgan M.V.Lomonosov nomidagi Moskva davlat universiteti professori, fizika-matematika fanlari doktori M.Kumskov BuxDU huzuridagi pedagog xodimlarni qayta tayyorlash va ular malakasini oshirish mintaqaviy markazida kurs tinglovchilari uchun “Xotin-qizlar ta’lim jarayoniga yangicha yondashuv va innovasion texnologiyalar”, fizika-matematika va jismoniy madaniyat fakulteti talabalariga esa “Kompyuter grafikasi orqali sportchilar harakat faolligini nazorat qilish” mavzusida ochiq ma’ruza va amaliy mashg’ulotlarni o’tkazdi. Ma’murov B. BuxDU jismoniy madaniyat fakulteti dekani, pedagogika fanlari nomzodi
