O‘zbekiston Respublikasi Oliy ta’lim, fan va innovatsiyalar vazirligining 2024 yil 27 fevraldagi 03/20-2/12-65-sonli xati hamda Buxoro davlat universitetining mehnatni muhofaza qilish va texnika xavfsizligi bo‘yicha 2024 yil 9 yanvardagi chora-tadbirlar rejasining 15 va 16-bandlari talablari ijrosini ta’minlash maqsadida 2024 yil 23 aprel kuni soat 14:00 da universitet fakultet va kafedra rahbarlari, professor-o‘qituvchilari, texnik xodimlari, ishchi-xizmatchilari bilan Buxoro viloyat kambag‘allikni qisqartirish va bandlik bosh boshqarmasi Davlat mehnat inspeksiyasi xodimlari ishtirokida «O‘zbekiston Respublikasining Mehnat kodeksini tasdiqlash to‘g‘risida»gi 2022 yil 28 oktyabr kuni Prezident tomonidan tasdiqlangan O‘RQ-798 qonuni hamda O‘zbekiston Respub-likasining Mehnat qonunchiligidagi o‘zgarishlar mavzusida universitet katta majlislar zalida seminar va davra suhbati o‘tkazildi.
Ushbu seminar va davra suhbatida Buxoro davlat universiteti o‘quv ishlar bo‘yicha prorektor R.Gʻ.Jumayev, Buxoro viloyati kambag‘allik qisqartirish va bandlik bosh boshqarmasi Mehnatni muhofaza qilish bo‘yicha Davlat mehnat inspeksiyasi mehnatni muhofaza qilish bo‘yicha davlat texnik inspektori X.N.Kamolov, fakultet dekanlari, kafedra mudirlari, departament, bo‘lim boshliqlari, fakultet menenjerlari, kabinet mudirlari, departament va bo‘limlardan mas’ullar, o‘quv bino komendantlari, TTJ mudirlari va fakultetlar tyuterlar jami 96 nafar kishi ishtirok etdi.
Seminar va davra suhbatidan maqsad, universitet rahbar xodimlari, professor-o‘qituvchilari, ishchi-xodimlarini “O‘zbekiston Respublikasining Mehnat kodeksini tasdiqlash to‘g‘risida”gi 2022 yil 28 oktyabr kuni Prezident tomonidan tasdiqlangan O‘RQ-798 qonuni va “Mehnat qonunchiligidagi o‘zgarishlar” bilan tanishtirish, ularning hayoti va salomatligi xavfsizligini ta’minlash.
Universitet o‘quv ishlar bo‘yicha prorektor R.Gʻ.Jumayev seminar va davra suhbatini ochib, qatnashchilar, o‘tkazish asoslari, asosiy maqsadi, tashkilotchilar hamda olib borish tartib bilan tanishtirdi.
Buxoro viloyati kambag‘allikni qisqartirish va bandlik bosh boshqarmasi Mehnatni muhofaza qilish bo‘yicha Davlat mehnat inspeksiyasi davlat mehnat texnik inspektori X.N.Kamolov “O‘zbekiston Respub-likasining Mehnat kodeksini tasdiqlash to‘g‘risida”gi 2022 yil 28 oktyabr kuni Prezident tomonidan tasdiqlangan O‘RQ-798 qonuni va O‘zbekiston Respublikasining Mehnat qonunchiligidagi o‘zgarishlar to‘g‘risida to‘xtaldi.
Seminar va davra suhbati ishtirokchilari tomonidan berilgan savollar javob berdi.
Fuqaro va mehnat muhofazasi sektori muxandisi F.F.Boltayev so‘zga chiqib, universitetda mehnat muhofazasi sohasida olib borilayotgan ishlari, majburiy sug‘urta, ish joylari attestatsiyasi, tibbiy ko‘rikdan o‘tish, mehnat muhofazasi bo‘yicha ishlab chiqilgan yo‘riqnomalar, ish joyida mehnat muhofazasi bo‘yicha yo‘riqnoma o‘tkazish tartiblari, bu yo‘riqnoma o‘tkazish bo‘yicha mas’ul rahbarlar va xodimlar tomonidan amalga oshirilayotgan ishlar to‘g‘risida ma’lumot berib o‘tdi.
Fuqaro va mehnat muhofazasi sektori muhandisi F.F. Boltayev
