O`zbekiston Respublikasining Birinchi Prezidenti Islom Karimovning Vatanimiz ravnaqi, yurtimiz tinchligi, xalqimiz farovonligi yo`lida olib borgan ulkan bunyodkorlik ishlari, sermazmun va sermahsul, barchaga ibrat va bemisl faoliyatini keng targ`ib etish, uning muallifligidagi asarlar mazmun mohiyatini chuqur o`rganish orqali yoshlarimizda chin insoniy fazilatlar, jumladan, vatanparvarlik, insonparvarlik kabi xislatlarni shakllantirish ma`naviy hayotimiz uchun g`oyat ahamiyatliligini inobatga olib, universitetda joriy yilning noyabr’ oyida “Islom Karimov asarlari bilimdoni” kitobxonlik oyligi o`tkaziladi. Oylik doirasida universitet Axborot resurs markazida Islom Karimov asarlari taqdimoti o`tkaziladi. Shuningdek, barcha fakul’tetlarda ko`rik-tanlovlar, viktorinalar o`tkazilib, g`oliblar faxriy yorliqlar bilan taqdirlanadi. “Islom Karimov asarlari bilimdoni” kitobxonlik oyligini yuqori saviyada o`tkazish maqsadida universitetda tahsil olayotgan barcha talabalarni faol ishtirok etishlarini so`rab qolamiz. Ma`naviyat va ma`rifat bo`limi.
