Bugungi kundagi dolzarb masala sifatida qaralayotgan ijtimoiy tarmoqlar orqali yoshlarni turli yot g`oyalar ta`siriga jalb qilishga bo`lgan e`tibor kuchayib borayotganligini guvohi bo`lmoqdamiz.Mazkur holatdan kelib chiqib, universitetda faoliyat olib borayotgan barcha pedagog-xodimlar tomonidan talaba-yoshlarni ijtimoiy tarmoqlardagi xavflardan saqlash maqsadida quyidagi ustivor vazifalar bo`yicha tushuntirish ishlarini olib borish: Internet va ijtimoiy tarmoqlarga kirishdan oldin aniq maqsadni belgilab olishni shakllantirish;Bu tarmoqlarga maqsadsiz kirish turli saytlar doirasida oltinga teng vaqtni behuda sarflanishiga sabab bo`lishini tushuntirishVaqtni behuda sarflash esa, umrning bir qismini bekorchi va manfaatsiz ishlar bilan o`tkazishga tengligini anglatish;Virtual olamda insonning vaqtni idrok qilish tizimi buzilishi, ijtimoiy faolligi kamayishi, komp’yuter qarshisida vaqt o`tganini sezmay qolishi oqibatida virtual vositalarning salbiy ta`siri ma`naviy-axloqiy tanazzul bilan chegaralanib qolmay, insonning immun tizimining susaytirishi, umurtqa pog`onasi va ko`z kasalliklariga sabab bo`lishi to`g`risida tushuntirish ishlarini olib borish;Internet va ijtimoiy tarmoqlar orqali olinayotgan xabarlarga mutlaq haqiqat deb qaramaslik ulardan foydalanishning muhim shartlaridan biri ekanligi, chunki, begona va notanish odam u yoqda tursin, hatto taniqli va ishonchga sazovor insonning so`zlarini ham tekshirmasdan, mulohaza qilmasdan ko`r-ko`rona qabul qilish oqil kishining ishi emasligi to`g`risida talaba-yoshlar o`rtasida tushuntirish ishlarini olib borish;Tarqatilayotgan xabarlar ishonchli bo`lishidan tashqari o`sha ma`lumotni boshqalar bilan “baham ko`rish”dan oldin o`zgalarga tarqatishdan biror manfaat va foyda bor yoki yo`q ekanini mulohaza qilish, bu o`rinda g`azal mulkining sultoni Alisher Navoiy bobomizning «Oqil chin so`zdan o`zgani demas, ammo barcha chinni ham demak oqil ishi emas», deyilgan hikmatini targ`ib qilish orqali yoshlar ongiga ta`sir o`tkazish. Aks holda, kimgadir yaxshilik qilaman deb insonlar orasida turli fitna va yomonliklarning tarqalishiga turtki bo`lish ehtimoldan xoli emasligini anglatishga erishish;Internet orqali notanish suhbatdosh bilan muloqotda bo`layotgan yoshlar taqiqlangan mavzulardan gap ochish, hissiy, ehtirosli suhbatga berilib ketish xavfi borligi, bu esa, yoshlar o`rtasida turli behayolik, buzuqchilik kabi ko`ngilsiz holatlarga sabab bo`lishi mumkinligini inobatga olib, ushbu holatni oldini olish maqsadida talaba-yoshlarga ibrat sifatida ziyoli olimlar va taniqli insonlar bilan uchrashuvlar tashkil etish va bunday illatlarga qarshi immunitetni shakllantirish;Ajdodlarimiz odob-axloq, ilm-fan bilan bog`liq yutuqlarni yuksak qadrlab, avloddan avlodga etib borishiga o`z hissalarini qo`shganliklarini inobatga olib, Internet va ijtimoiy tarmoqdan foydalanishda ham ajdodlar o`gitlariga amal qilib ish olib borish. Ma`naviyat va ma`rifat bo`limi
