Maqom xalqimizning bebaho ma’naviy merosi. Ushbu san’at rivojlanishning uzoq davrini bosib o‘tgan, ko‘plab san’atkorlar, bastakorlar uning tadrijiy taraqqiyotiga o‘z hissasini qo‘shgan. Ularda inson kechinmalarining eng nozik ohanglari jamlangan.
Yurtimizda asrlardan asrlarga o‘tib, millatning o‘zligini o‘zida mujassam etgan, bugungi kunga qadar o‘z qadr-qimmatini yo‘qotmay kelayotgan maqom san’atiga bag‘ishlangan kechalar azaldan o`tkazilib kelinadi. BuxDUda Yunus Rajabiy nomidagi “Maqom” ansamblining konsert dasturi bo‘lib o‘tdi.
