Oliy taʼlim, fan va innovatsiyalar vazirligi axborot xizmati tomonidan Buxoro davlat universitetida qurib bitkazilgan talabalar turar joyiga press-tur tashkil etildi.
Dastlab press-tur doirasida Buxoro davlat universitetida talabalar turar joyining 8-binosi sifatida foydalanishga topshirilayotgan, yangidan barpo etilgan 400 o‘rinli talabalar yotoqxonasi hamda foydalanayotgan talabalar turar joylarining holati, yaratilgan shart-sharoitlari yuzasidan press-tur o`tkazildi.
Anjumanda Buxoro davlat universiteti rektori Obidjon Xamidov, Oliy taʼlim, fan va innovatsiyalar vazirligi axborot xizmati rahbari Nazokat Abduqunduzova, Oliy ta’lim, fan va innovatsiyalar vazirligi Buxoro viloyati hududiy boshqarma boshlig'i Azamat Naimov hamda BuxDU rahbariyati, universitet Matbuot kotibi Otabek Jalolov, nashrlardan OAV vakillari, blogerlar ishtirok etishdi.
Shundan so`ng, ishtirokchilar uchun universitet binolari boʻylab sayohat tashkil etildi. Mehmonlar talabalarga turli xizmatlar ko'rsatish markazi faoliyatini, tadbir va marosimlar o'tkaziladigan yig'ingoh, sport zallarini ko`zdan kechirishdi.
500 ming adabiyot sig‘imiga ega Axborot resurs markaziga tashrif buyurib, o`quv zallari, har-bir foydalanuvchiga istalgan axborot resursdan foydalanish uchun qilingan tadbirlar bilan yaqindan tanishishdi.
Barcha shart-sharoitlarga ega, zamonaviy axborot kommunikatsiya vositalari bilan jihozlangan BuxDU Matbuot xizmati studiyasi hamda faoliyatini ko`zdan kechirishdi.
Bugun topshirilgan Buxoro davlat universiteti hududidagi yangi, zamonaviy 400 o‘rinli yotoqxona binosining ochilish marosimi bo'lib o'tdi. Ochilish marosimini Viloyat hokimi o'rinbosari Mirali Hamrayev kirish so'zi bilan ochib berdi.
Ochilish marosimida Oliy taʼlim, fan va innovatsiyalar vazirligi axborot xizmati rahbari Nazokat Abduqunduzova boshchiligida barcha OAV vakillari ishtirok etib, yaratilgan shart-sharoitlar bilan yaqindan tanishishdi.
Yaxshidan bog` qoladi, degan umrboqiy xalq naqli bor. Darhaqiqat, inson yangi bino rostlar ekan, tabiiyki bir dona bo`lsa ham umrboqiylikka daxldor bo`lish uchun ko`chat ekadi.
Bugungi yangi yotoqxona binosi hududida ham "Yashil makon" loyihasi doirasida ko'kalamzorlashtirish uchun ajratilgan yer maydonida mehmonlar daraxt ekish kabi xayrli ishni amalga oshirdilar.
Shundan so'ng barcha OAV vakillari ayni paytda faoliyat yuritayotgan talabalar turar joyida yaratilgan shart-sharoitlarni, undagi universitet professor-o’qituvchilari, talabalari hamda tashqi foydalanuvchilarga munosib shart-sharoit yaratish, moddiy-texnik ba'zani hamda innovatsion infratuzilmani rivojlantirish, shuningdek, innovatsion o‘quv jarayonlarini tashkil etish, tashabbuskor talabalarining ilmiy-tadqiqot, innovatsion va startap loyihalarini qo‘llab-quvvatlash, tadbirkorlik faoliyatini rag‘batlantirish va bandligiga ko‘maklashish, ularning bo‘sh vaqtini mazmunli tashkil etish maqsadida tashkil etilgan markaz hamda "Besh tashabbus" xonalari faoliyatini baholashdi.
Muassasani ko`zdan kechirish asnosida Buxoro davlat universiteti va Fransiyaning Vatel mehmonxona va turizm oliy maktabi "Xalqaro mehmonxona menejmenti" qo‘shma bakalavriat dasturi huzurida tashkil etilgan "Vatel cafe"da bir finjon qahva ustida kelgusidagi ishlar xususida suhbatlashishdi.
