2017 yil 5-6 may kunlari Buxoro davlat universitetida “Xotin-qizlar sporti: imkoniyatlar va istiqbollar” respublika ilmiy-amaliy-konferensiyasi bo’lib o’tdi. Unda Rossiya, Qoraqalpog’iston va respublikamizning barcha viloyatlaridan olimlar va tadqiqotchilar ishtirok etdilar. Ilmiy anjumanning yalpi majlisida BuxDU rektori A.A.Tulaganov, professorlar M.I.Kumskov, F.A.Kerimov, S.I.Inoyatov, O.Xaydarov, B.B.Ma’murovlar Xotin-qizlar sporti jismoniy madaniyatning asosiy bo’g’ini va uni rivojlantirish strategiyasi hamda istiqbollari mavzusida ma’ruza qildilar.Shuningdek, sport sohasida ulkan yutuqlarga erishgan sportchi ayollar N.Sh.Sharipova, G.Alieva, O.A.Ergashevalarning sport hayot mazmuni ekani, xotin-qizlarni sport bilan shug’ullanishga jalb etishdagi echim va yutuqlar borasida mulohaza bildirdilar. Ilmiy anjumanning sho’’balar yig’ilishida ham oila va mahalla xotin-qizlar jismoniy madaniyatini shakllantirishning pedagogik imkoniyatlari, Maktabgacha ta’lim, umumta’lim maktablar, akademik lisey va kasb-hunar kollejlarining jismoniy madaniyat ta’limida innovasion usullardan foydalanish, oliy ta’lim muassasalarida talaba qizlar jismoniy madaniyat mashqlarini rivojlantirish istiqbollari singari dolzarb masalalar bo’yicha ma’ruzalar tinglandi.[widgetkit id=94]
