Buxoro davlat universiteti va QS xalqaro reytingida 1-o'rinda, THE xalqaro reytingida esa 3-o'rinda bo'lgan Massachusets Texnologiya Instituti (MIT) o'rtasida ta'lim sifati, ilmiy va innovatsion faoliyat borasida hamkorlik aloqalarini yanada rivojlantirish istiqbollari muhokama qilindi.
Joriy yilning 27-sentabr kuni Buxoro davlat universiteti rektori O.X.Xamidov QS xalqaro reytingida 1-o'rinda, THE xalqaro reytingida esa 3-o'rinda bo'lgan Massachusets Texnologiya Instituti (MIT) professori, Filipp Hauge Abelson mukofoti sovrindori Sekazi Kauze Mtingwani qabul qildi. Uchrashuv davomida hamkor OTMlar o’rtasida ta'lim sifati, ilmiy va innovatsion faoliyat borasida hamkorlik aloqalarini yanada rivojlantirish bo’yicha qisqa va uzoq muddatli hamkorlik yo’nalishlari muhokama qilindi.
Sekazi Kauze Mtingwa Buxoro davlat universitetiga tashrifi davomida iqtidorli talabalar, magistrlar, doktorantlar va yosh olimlar uchun tashkil qilingan o’quv kurslarida tinglovchilarning salohiyatini yuqori baholab, kelgusida ularning ilmiy-tadqiqot ishlarini qo’llab-quvvatlash bo'yicha mavjud imkoniyatlar haqida ma'lumot berdi.
2024-yilda Buxoro davlat universitetida ko’p sonli yetakchi xorijiy OTM olimlari ishtirokida yozgi maktab va nufuzli xalqaro konferensiya o'tkazish taklifini qo'llab-quvvatladi.
