Bioiqtisodiyot - mamlakatlar va mintaqalarning barqaror rivojlanishi uchun yangi yondashuvi
Buxoro davlat universitetida oliy ta'lim muassasalari va iqtisodiyotning turli tarmoqlari korxonalari uchun bioiqtisodiyot bo'yicha 2023-yil 13-sentabr kuni "O'zbekistonda bioiqtisodiyot tarmoqlarini rivojlantirishda innovatsiya, ilg'or tajriba va imkoniyatlardan samarali foydalanish" nomli xalqaro simpozium bo'lib o'tdi.
Simpoziumdan ko'zlangan asosiy maqsad O'zbekistonda bioiqtisodiyotni rivojlantirish imkoniyatlari uning mohiyati, o'rni, afzalliklari, tarmoq yondashuvidan farqlari, yagona bioiqtisodiy ekotizimda turli sub'ektlarning vazifalari va afzalliklari haqida fikr yuritishdan iborat.
Simpoziumda tegishli davlat muassasalari va biznes vakillari, universitet professor-o'qituvchilari va talabalari, Yevropa Ittifoqi va O'zbekistonning bioiqtisodiyot sohasidagi olimlari va ekspertlari O'zbekistonda bioiqtisodiyot yo'nalishidagi oliy ta'lim va bioiqtisodiyotni rivojlantirishning mumkin boʻlgan yo'nalishlari va amaliy takliflari bo'yicha keng qamrovli muloqot o'tkazish va amaliy takliflar ishlab chiqish uchun ishtirok etdi. Jumladan, BioEcUz loyihasi koordinatori, Latviya Hayot fanlari va texnologiylar universiteti PhD Irina Kulitane, Buxoro viloyat qishloq xo'jaligi boshqarmasi boshlig'i -Askar Javodov, JAMK
universiteti BioEcUZ loyihasi koordinatori Kirsi Knuuttila, BioEcUZ loyihasi koordinatori, Litva Respublikasi Buyuk Magnus universiteti, PhD, professor Vilija Alekneviciene, Turkiyaning issiqxonalar klasteri, "Buxoro-Varnet" rivojlanish darajasi- MChJ rahbari Ilyos Xurshid, Viloyat oliy ta'lim, fan va innovatsiyalar boshqarmasi boshlig'i Azamat Naimov, Latviya Hayot fanlari va texnologiylar universiteti PhD.professr Liga Proskina, JAMK universiteti (Finlyandiya) Biznes va xalqaro aloqalar bo'limi
boshlig'i, PhD, professor Gilbert Ludwig va boshqa olim va mutaxassislar ishtirok etishdi. Ikkinchi bioiqtisodiyot bo'yicha simpozium 2024-yil mart oyida tashkil qilinadi.
Evropa Komissiyasi bioiqtisodiyotni qayta tiklanadigan biologik resurslarni ishlab chiqarish hamda bu resurs va chiqindilar oqimini oziq-ovqat, ozuqa, biomahsulotlar va bioenergiya kabi qo'shilgan qiymatga ega mahsulotlarga aylantirish deb ta'riflagan.
Evropa Komissiyasi bioiqtisodiyotni qayta tiklanadigan biologik resurslarni ishlab chiqarish hamda bu resurs va chiqindilar oqimini oziq-ovqat, ozuqa, biomahsulotlar va bioenergiya kabi qo'shilgan qiymatga ega mahsulotlarga aylantirish deb ta'riflagan.
Evropa Komissiyasi 2012 yilga qadar ushbu maqsadlarga erishish uchun "Bioiqtisodiyot strategiyasini ishlab chiqdi va u 2018 yilda yangilandi. Ta'kidlash joizki, O'zbekiston tarmoq iqtisodiyotidan bioiqtisodiyotga yanada samarali oʻtishni amalga oshirish uchun ulkan salohiyatga ega, ammo bu maqsadlarga erishish uchun mamlakatda bioiqtisodiy yondashuvlarni sanoat amaliyotiga joriy etadigan yuqori malakali mutaxassislarga muhtoj.
Simpozium Latviya Hayot fanlari va texnologiyalar universiteti rahbarligidagi Yevropa Ittifoqining "ERASMUS+" dasturi tomonidan moliyalashtiriladigan "BioEcUz" konsorsiumi tomonidan "O'zbekistonda bioiqtisodiyotni barqaror rivojlantirish bo'yicha yangi magistratura dasturi" №o 619294-EPP-1- 2020-1-LV-EPPKA2-CBHE-JP, loyihasi doirasida tashkil etiladi.
Qo'shimcha ma'lumot va ishtirok etish uchun quyidagi elektron pochta manzillari orqali bogʻlaning maorif@mail.ru, dsuhrob84@gmail.com. +9989914498749
