O‘zbekiston Respublikasi Prezidentining 2016 yil 20 oktyabrdagi “O‘zbekiston Respublikasining Intellektual mulk agentligi faoliyatini takomillashtirish chora-tadbirlari to‘g‘risida”gi PQ-2637-son Qarori va Vazirlar Mahkamasining 2012 yil 13 apreldagi 08-1-32-son “Ishlab chiqarishga innovatsion texnologiyalar va ixtirolar, ilmiy-texnikaviy va sanoat ishlanmalari, badiiy konstruktorlik va boshqa ijodiyot natijalarini keng joriy etilishga ko‘maklashish bo‘yicha chora-tadbirlar kompleksi”ga muvofiq, O‘zbekiston Respublikasi Intellektual mulk agentligi tomonidan eng yaxshi intellektual mulk ob’ektlari uchun “Yangi intellect – 2017” tanlovi o‘tkazilishini ma’lum qilamiz. Tanlovga so‘nggi 3 yil (2014-2016 yy.) davomida muhofaza hujjatlari olingan intellektual mulk ob’ektlari: ixtirolar, foydali modellar va sanoat namunalari hamda mahalliy mualliflar (huquq egalari) tomonidan yaratilgan EHM uchun yaratilgan dasturlar va ma’lumotlar bazalari qabul qilinadi. Tanlovga ishtirokchilarning ariza va hujjatlari joriy yilning 31 martiga qadar davom etadi. Tanlovga taqdim etiladigan hujjatlar haqidagi ma’lumotlarni O‘zbekiston Respublikasi Intellektual mulk agentligining rasmiy veb-sayti (www.ima.uz)dan olishingiz mumkin. Tanlov natijalariga ko‘ra g‘oliblarni taqdirlash va mukofotlash bo‘yicha tadbirlar “26 aprel – Xalqaro intellektual mulk kuni” arafasida o‘tkazilishi ko‘zda tutilgan.Tanlovga talabnomalar eng yaxshi intellektual mulk ob’ektlari uchun “Yangi intellect – 2017” tanloviga deb ko‘rsatgan holda Toshkent shahar, Mustaqillik shoh ko‘chasi, 5-uyda qabul qilinadi. Ma’lumot uchun: 0-371-232-50-50, 232-50-41, 232-50-13.
