Gunadarma universiteti rektori, Indoneziya – O‘zbekiston do‘stlik uyushmasini rahbari, O‘zbekistonning Indoneziyadagi turizm elchisi, professor Eko Shri Margianti boshchiligidagi delegatsiya Buxoro davlat universitetiga tashrif buyurdi.
Ushbu uchrashuv Buxoro viloyati delegatsiyasining 2022-yilda Indoneziyaga tashrifi davomida kelishilgan masalalar hamda joriy yilning 29-mart kuni Prezidentimiz Shavkat Mirziyoyev rahbarligida o‘tkazilgan turizm salohiyatini oshirish masalalari bo‘yicha selektorda belgilab berilgan vazifalar ijrosi doirasida Indoneziyaning Gunadarma universiteti va Buxoro davlat universiteti o‘rtasidagi hamkorlik aloqalari natijasi sifatida tashkil qilingan turistik sayohat doirasida joriy yilning 20 - 26 iyul kunlari Indoneziya universitetlaridan 90 nafardan ortiq rektor va professor-o‘qituvchilar Buxoro viloyatiga mehmon bo`lib turishibdi.
Uchrashuvda ikki tomonlama manfaatli hamkorlikda amalga oshirilishi rejalashtirilgan ishlarni jadallashtirish, xususan, hamkorlik shartnomasi imzolash muhokamalar markazida bo‘ldi.
Tashrif doirasida O`zbekistonda turizmni rivojlantirishning ijtimoiy-iqtisodiy yo`nalishlariga bag`ishlangan xalqaro anjuman tashkil etildi. Unda mehmonlar bilan bir qatorda viloyatimizdagi beshga yaqin OTMlar rektorlari, mutaxassislari, qolaversa, nodavlat oliy ta'lim muassasalari bilan birgalikda hamkorlik memorandumi imzolandi.
