Kecha 12-iyul kuni Buxoro davlat universiteti va Rossiyaning Shimoliy (Arktik) federal universiteti vakillarining onlayn uchrashuvi bo‘lib o‘tdi. Joriy yilning bahorida ShFU “Tarjima va amaliy tilshunoslik” kafedrasi professori Aleksandr Polikarpov va dotsent Yelena Polikarpovaning BuxDUda maʼruza va seminar mashg‘ulotlarini olib borganligi ushbu hamkorlik aloqalarining yo‘lga qo‘yishda boshlang‘ich nuqta bo‘lgandi.
Uchrashuvda BuxDUdan prorektorlar T.Rasulov va A.Jo‘rayev, "Rus tilshunosligi" kafedrasi mudiri O.Nosirov hamda kafedra o‘qituvchilari ishtirok etishdi. SHFU tomonidan esa universitetlararo hamkorlik masalalarini strategik rivojlanish va fan bo‘yicha birinchi prorektor P.Maryandishev, Xalqaro hamkorlik departamenti Xalqaro akademik harakatchanlik markazi direktori E.Shiman, professor A.Polikarpov va dotsent E.Polikarpovalar qatnashishdi.
Uchrashuvda universitetlararo yo‘nalishlari, shu jumladan, hamkorlik shartnomasi loyihasini tayyorlash bilan bog‘liq masalalar muhokama qilindi. Taʼkidlanganidek, universitetlar faoliyatida bir-birini to‘ldiruvchi ko‘plab imkoniyatlar mavjud bo‘lib, bu o‘zaro hamkorlik uchun katta salohiyatdan dalolat beradi. Jumladan, neft-gaz sohasi hamda filologiya taʼlimi doirasida qo‘shma nashrlar, seminar va konferensiyalar o‘tkazish rejalashtirildi. Hamkorlar o‘zaro tajriba almashish maqsadida tadqiqotchilarga ikki tomonlama ilmiy rahbarlik qilishni qo‘lga qo‘yishga qiziqish bildirishdi. Shuningdek, o‘zaro tajriba almashishning tilshunoslik, moddiy va nomoddiy merosni asrab-avaylash kabi istiqbolli yo‘nalishlari ham belgilab olindi.
Yig‘ilish yakunlari bo‘yicha taqdimot materiallar almashishga, yaqin vaqt ichida yo‘l xaritasini tasdiqlash, kuz oylarida esa o‘zaro hamkorlik shartnomasini imzolash rejalashtirildi.
ShFU veb sayti: www.narfu.ru
