BioEcUz loyihasi ishtirokchilari ilmiy-amaliy safarlarini Latviyaning tabiiy fanlar va texnologiyalar universiteti, "Silava" nomli Latviya davlat o‘rmon ilmiy-tadqiqot instituti, hamda “Ogres piens” innovatsion fermasida yakunlab, Litvaning Buyuk magnus universiteti (Vytautas Magnus University)da davom ettirishmoqda.
BuxDU professor-o'qituvchilari BioEcUz loyihasi doirasida Latviyaning bioiqtisodiyotga doir ilmiy va amaliy tajribalarini o'rganish doirasida universitetning Iqtisod va ijtimoiy taraqqiyot fakultetiga tashrif buyurishdi. Universitet professorlari va loyiha ishtirokchilar bilan birgalikda O‘zbekistonda bioiqtisodiyotga doir masalalar muhokama etildi hamda guruhlarga bo’linib SWOT analiz qilindi. Shuningdek, universitetning kafedralarida tegishli tadqiqot maydonchalari, laboratoriya jihozlari va xonalari bilan tanishishdi. Bioiqtisodiyot yo’nalishida ikki tomonlama istiqbolli hamkorlik loyihalar to‘g‘risida o‘zaro muzokara olib borildi.
Ilmiy-amaliy safarning qolgan davrida loyiha ishtirokchilari tomonidan Latviya davlat o'rmon ilmiy-tadqiqot instituti "Silava"ga tashrif buyurishdi. Bu tadqiqot instituti o‘rmonchilik fani uchun zarur bo‘lgan qator sohalarda fundamental tadqiqotlar olib boradi. Loyiha ishtirokchilari ushbu tashkilotning tadqiqot dalalarida bo'lib, olingan tadqiqot natijalaridan O'zbekiston sharoitida foydalanish imkoniyatlarini muhokama qilishdi.
1 haftalik ilmiy-amaliy safar Latviyada yakunlanib, Litvaning Buyuk magnus universiteti (Vytautas Magnus University)da davom ettirilmoqda.
