Joriy o'quv yilidan boshlab Buxoro davlat universitetining iqtidorli talablari "Ustoz-shogird" tizimi asosida ilmiy rahbarlarga briktirilganligi bilan bir qatorda universitet rahbar xodimlarga ham briktirildi.
2022/2023-o'quv yilida "Iqtidorli talabalar oltin fondi" a'zolari 103 nafarni tashkil etadi va ushbu a'zolar teng ravishda universitet rektori hamda prorektorlarga briktirilgan.
2023-yilning 2-iyun kuni
Ilmiy ishlar va innovatsiyalar bo'yicha prorektor Rasulov To'lqin Husenovich hamda
Yoshlar masalari va ma’naviy-ma’rifiy ishlar bo‘yicha birinchi prorektor Amonov Azizbek Amonjonovich
o'zlariga biriktirilgan iqtidorli talabalar bilan uchrashuv o'tkazdilar.
Suhbat jarayonlari erkin tartibda va keng mavzu doirasida bo'lib o'tdi. Asosan:
Yoshlar masalari va ma’naviy-ma’rifiy ishlar bo‘yicha birinchi prorektor Amonov Azizbek Amonjonovich talabalar bilan suhbatlashar ekan ularning qiziqishlar doirasini, kelajakdagi rejalari va maqsadlarini tingladi. Talabalarning savollariga javob berdi. Iqtidorli talabalarimizning maqsadga erishish yo'lidagi duch kelayotgan to'siqlariga echim izlash yo'llarini o'rgatdi va keyingi haftada o'ziga briktirilgan talabalarga takliflar rejasini shakllantirish topshirig'ini berib, ularni keyingi haftada prorektor xonasida davra suhbati jarayoniga taklif qildi.
Ilmiy ishlar va innovatsiyalar bo'yicha prorektor Rasulov To'lqin Husenovich o'ziga briktirilgan "Iqtidorli talabalar oltin fondi" a'zolari bilan uchrashuv jarayonida talabalarimizni universitetdagi "Koworking"markazi faoliyati bilan tanishtirdi va markazning konferensiya zalida suhbat jarayonini davom ettirdi. Suhbat jarayonida lider talabalarning yutuqlari e'tirof etildi va har bir lider o'zining klubini tashkil etishi g'oyasi ilgari surildi. "Iqtidorli talabalar oltin fondi" a'zolari turli soha vakillaridan ekanligi inobatga olinib, talabalar tashabbusi bilan yaqin kunlarda turli sohalar kesimida universitet talabalari uchun tanlovlar o'tkazish bo'yicha takliflar maqullandi. Lider talabalarimiz esa tanlov kordinatorlari sifatida faoliyat olib borish tashabbusini bildirdilar.
Tashabbuskor lider talabalarimizni qo'llab-quvvatlash, ularni rag'batlantirish, madaniy hordiq chiqarish maqsadida yurtimizning tarixiy maskanlariga sayohatlar tashkil etish taklifi ikkila prorektorlarimiz tomonlaridan maqullandi.
Hurmatli tashabbuskor, iqtidorli talabalar - universitet rahbar xodimlarining eshiklari siz uchun har doim ochiq!!!
