Bugun 31-may kuni Buxoro davlat universiteti Kuzatuv Kengashi a’zosi, universitet sobiq bitiruvchisi, Norov Vladimir Imomovich BuxDU Axborot-resurs markaziga tashrif buyurdilar.
Markaz faoliyati bilan tanishish barobarida V.I.Norov o‘z shaxsiy kutubxonalaridan 220 nomdagi 18 tilda yozilgan 200 dan ortiq qimmatbaho adabiyotlarni sovg‘a qildilar. Xorij davlatlarining tarixi, madaniyati va urf-odatlari aks etgan ushbu kitoblar #Buxoro_davlat_universiteti Axborot-resurs markazining oltin xazinasidan o‘rin olib, kitobxonlar uchun muhim axborot manbaiga aylanishi shubhasizdir. Qolaversa, Kuzatuv kengashi a’zosi tomonidan ko‘plab suvinerlar va ko‘rgazmali vositalar ham tuhfa qilindi.
