2023-yil 24-may kuni Buxoro davlat universitetida “Fizika, matematika va mexanikaning dolzarb muammolari” mavzusida xalqaro ilmiy-amaliy anjuman bo‘lib o‘tdi. Anjumanda fizika, matematika va mexanika sohalarida so‘nggi yillarda erishilayotgan natijalar muhokama qilindi.
Anjumanning yalpi yig‘ilishida akademik S.N.Laqayev (SamDU, O‘zbekiston), professorlar Mutti-Ur Rehman (Sukkur IBA University, Pokiston), Irshad Nazeer (Sukkur IBA University, Pokiston), L.A.Karchevskiy (S.L.Sobolev nomidagi matematika instituti, Rossiya), Sh.U.Yuldashev (O‘zMU, O‘zbekiston), E.N.Sattorov (SamDU, O‘zbekiston) kabi olimlarning ma’ruzalari tinglandi. Sho‘ba yig‘ilishlarida professorlar I.A.Ikromov (SamDU, O‘zbekiston), A.A.Imomov (QarshiDU, O‘zbekiston), U.U.Jamilov (Matematika instituti, O‘zbekiston), T.H.Rasulov (BuxDU, O‘zbekiston), D.Q.Durdiyev (Matematika instituti, O‘zbekiston), A.M.Xalxo‘jayev (Matematika instituti, O‘zbekiston) va yana ko‘plab olimlarning ma’ruzalari tinglandi. Shuningdek, anjuman davomida yosh olimlar, doktorantlar va magistrlar o‘zlarining taqdimotlari bilan ishtirok etdilar.
