Hurmatli universitetimiz jamoasi!
Qadrli professor-o’qituvchilar, jamoadoshlar va aziz talabalar!
Sizlarni muborak Ramazon Hayiti munosabati bilan chin qalbimdan samimiy tabriklayman.
Insonparvarlik, sabr-qanoat, xayr-u saxovat va shukronalik, mehr va shodlik timsoli boʻlgan ushbu qutlugʻ kun – Ramazon hayiti har bir musulmon uchun oylarning sultoni mobaynida qilingan sabr, xayr-ehson, ko`rsatilgan mehr-oqibat uchun berilgan saodat ayyomidir.
Xalqimizning boy va qadimiy diniy-maʼnaviy merosini tiklash va faol targʻib etish, buyuk ajdodlarimizning tabarruk qadamjolarini obod qilish, ezgu niyat va orzu-intilishlarini qo’llab-quvvatlash mohiyatini mujassam qilgan bayram astoydil Alloh rizoligi uchun ko`ngil so`raladigan g`animat kunlardan keyingi qutlug` ayyom sifatida betakror O`zbekistonimizning har bir musulmon oilasida nishonlanadi.
Alloh taoloning marhamati yogʻiladigan ushbu barokatli va nurafshon kunda yurtimizdagi yangilanishlar, yuksalishlar, fan va ta’limga, insoniylikka e’tibor shukronasi o`laroq xalqimiz farovonligi, Vatanimiz tinchligi bardavom bo`lsin. Bunday hayitlar qabimizga shodlik olib kelaversin. Ezgu ishlarimiz muvaffaqiyat qozonaversin. Barcha ezgu niyatlar ro’yobga chiqsin!
Yana bir bor barchangizni o’z nomimdan Ramazon hayiti bilan muborakbod etaman!
Hurmat bilan,
Buxoro davlat universiteti rektori,
iqtisodiyot fanlari doktori, professor Obidjon Xamidov
