Ayni kunlarda Qozon Federal universitetida Matematika ta’limiga bag’ishlangan IV-Xalqaro forumi bo’lib o’tmoqda. Unda Rossiya Federatsiyasi, Belorussiya, Qozog’iston va O’zbekiston OTMlarining bir qator olimlari an’anaviy va onlayn tarzda ishtirok etib, maktab va oliy ta’lim muassasalarida matematika fanining o’qitilishi hamda ta’lim va fanda axborot texnologiyalarning qo’llanilishi muhokama qilinmoqda. Shuningdek, matematika fani o’qituvchilari uchun master-klass mashg’ulotlari va uslubiy seminarlar tashkil qilinmoqda. Xalqaro forum ishida Buxoro davlat universiteti nomidan ilmiy ishlar va innovatsiyalar bo’yicha prorektor T.H.Rasulov va Matematik analiz kafedrasi mudiri E.B.Dilmurodovlar qatnashib, forum ishirokchilarini matematika sohasidagi taʼlim sifatini oshirish, ilmiy-tadqiqotlarni rivojlantirish va ilmiy ishlanmalarni amaliyotga joriy qilish bo’yicha universitetda olib borilayotgan ishlar bilan tanishtirdilar. Xalqaro forum o’z ishini joriy yilning 1-apreliga qadar davom ettiradi. Forum dasturi va ZOOM havolasi bilan quyidagi veb sahifa orqali tanishishingiz mumkin.
https://kpfu.ru/ifme/mezhdunarodnyj-forum-po-matematicheskomu-130813/programma-program
