Bugun Buxoro davlat universiteti yig’ingohida mamlakatimizda amalga oshirilayotgan keng ko‘lamli islohotlarda yoshlarning faol ishtirokini ta’minlash, a’lo xulqi, zukkoligi, o‘qishdagi muvaffaqiyatlari, tashabbuskorligi bilan noyob iste’dodini namoyon etayotgan hamda adabiyot, madaniyat, san’at, fan, ta’lim va sport sohalaridagi yutuqlari hayotga tatbiq etish, shuningdek, talaba-qizlar faoliyatini o‘rnak sifatida ko‘rsatish maqsadida O‘zbekiston Respublikasi Oliy ta’lim, fan va innovatsiyalar vazirligi, universitetning Yoshlar bilan ishlash, ma’naviyat va ma’rifat bo‘limi hamda Xotin-qizlar qo‘mitasi bilan hamkorlikda “Orasta qizlar” ko’rik tanlovi o’tkazildi.
Ushbu tanlovda universitetda tahsil olayotgan barcha talaba - qizlar ishtirok etishdi.
Tanlov ikki bosqichda tashkil qilinib, fakultet bosqichida g’oliblikni qo’lga kiritgan ishtirokchilar universitet bosqichida fakultetlari sha’nini himoya qildilar. Ikkinchi bosqichda 4 ta shart asosida qizlarning bilimi sinaldi. Talaba – yoshlarning kuy qo’shiqlari va ajoyib chiqishlari bilan davom etgan tanlov barchaga bahoriy kayfiyat ulashdi.
Qizg’in kurashlardan so'ng natijalar quyidagicha bo'ldi:
Agronomiya fakulteti - Adizova Shahribonu birinchi o’rinni,
Fizika – matematika fakulteti - Hamidova Muattarbonu ikkinchi o’rinni,
Tabiiy fanlar fakulteti - To’ychiyeva Abira va Pedagogik ta’lim fakulteti – Axmadova Gulnoralar uchinchi o’rin. Tanlov g‘oliblari va ishtirokchilar Kasaba uyushmasi, Yoshlar ittifoqi, rektorning faxriy yorliqlari va sovg‘alar bilan taqdirlandilar.
