Ulug‘ o‘zbek shoiri, mutafakkir, tarixchi va davlat arbobi, markazlashgan davlat va boburiylar saltanati asoschisi Zahiriddin Muhammad Bobur tavalludining 540 yilligi yurtimizda keng nishonlanmoqda. Xususan, Buxoro davlat universitetida ham “Men bormen ilm tolibi, ilm kerak” deb nomlangan adabiy-badiiy, musiqiy kecha tashkil etildi.
O’zbekiston Yozuvchilar uyushmasi Buxoro viloyati bo’limi rahbari Shodmon Sulaymonov va Respublika Ma'naviyat va ma'rifat markazining Buxoro viloyati bo‘limi rahbari Pardayeva Marhabolar adabiy-badiiy kechaning mehmoni bo’lishdi. Dastavval mehmonlar universitet rektori boshchiligida talabalar tomonidan tayyorlangan ko’rgazmalar bilan tanishdi, so'ng asosiy qism - shoir tavalludiga bag'ishlangan adabiy-musiqiy kechaning mehmoni bo'lishdi.
Tarix zarvaraqlarida ma’naviyat va siyosat arbobi sifatida iz qoldirgan buyuk mutafakkir haqida universitet rektori, O’zbekiston Yozuvchilar uyushmasi Buxoro viloyati bo’limi rahbari, Ma'naviyat va ma'rifat markazining Buxoro viloyati bo‘limi rahbari va univeristetning professor-o’qituvchilari so’zga chiqib, kelajak avlod uchun yuksak meros qoldirgan ijodkor xotirini yod etdilar.
Tadbirning badiiy qismida Filologiya fakulteti talabalari tomonidan Zahiriddin Muhammad Bobur hayoti aks etgan sahna ko'rinishlari namoyish etildi. Mahorat bilan ijro etilgan kuy-qo'shiqlar va raqslar esa barchaga a'lo kayfiyat bag'ishladi.
