Joriy yilning 13-dekabr kunida Buxoro davlat unuversiteti huzuridagi “Business accelerator” da universitet talabalari o‘rtasida innovatsion loyihalar tanlovi bo‘lib o‘tdi. Tanlovda universitetning 30 dan ortiq talabalari o‘zlarining innovatsion loyihalari bilan ishtirok etishdi. Loyihalar tanlov komissiyasi tomonidan loyihaning innovatsionligi, kreativlik-ijodkorlik darajasi, loyihaga bo‘lgan talabning mavjudlik darajasi hamda amalga oshirish imkoniyatlari kabi mezonlari asosida baholandi. Tanlov komissiya xulosasiga asosan jami 6 ta loyiha g‘olib deb topildi. Xususan:
- Iqtisodiyot va turizm fakulteti talabasi Xojiakbar Xudoyberdiyevning “QCTS (QR Code on Traffic Signs)” loyihasi hamda Axborot texnologiyalari talabasi Muxiddin Nekboyevning “PanelClean” – “Quyosh panellarini avtomatik tozalash tizimi” loyihasi 1-o‘ringa;
- Axborot texnologiyalari fakulteti talabalari Umedjon Saidovning “ImageToText” loyihasi hamda Bobir Samadovning “Xalqaro konferensiyalarni avtomatlashtirish tizimi” loyihasi 2-o‘ringa;
- Tabiiy fanlar fakulteti talabalari Ferangiz Aslonovaning “Tarkibida N,S,P-saqlagan antipiren vositalar sintezi va qo‘llanilishi” loyihasi hamda Shahnoza Rajabovaning “Behi mevasi urug’laridan shilliq moddalar ajratib olish hamda undan yuqori nafas yo’llari yallig’lanishi kasalliklarini davolashda qo‘llaniladigan preparatlar tayyorlash” loyihasi 3-o‘ringa munosib deb topildi.
Tanlov g‘oliblari mos ravishda 1-o‘rin uchun 3 mln. so‘m, 2-o‘rin uchun
2 mln. so‘m, 3-o‘rin uchun 1 mln. so‘m pul mukofoti bilan taqdirlanishdi.
Shuningdek, barcha ishtirokchilar faol ishtiroklari uchun sertifikatlar bilan taqdirlanishdi. Tavlov yakunida ishtirokchilar tomonidan loyihalarni amalga oshirish, amaliyotga joriy qilish, investorlarga taqdim qilish yuzasidan fikrlar almashildi. Barcha loyihalar Buxoro viloyati Innovatsion rivojlanish hududiy boshqarmasi taqdim etildi.
