G`ijduvon tumanida 9-dekabr "Xalqaro Korrupsiyaga qarshi kurashish" kuniga bag‘ishlangan Aksilkorrupsiya haftaligi doirasida "Korrupsiyaga qarshi kurashish" mavzusidagi targ‘ibot seminari bo‘lib o‘tdi.
Mazkur seminarda Buxoro davlat universiteti rektori, Xalq deputatlari Buxoro viloyati Kengashi deputati Xamidov Obidjon Xafizovich, G‘ijduvon tumani prokurori Adliya maslahatchisi Sultonov Botir O‘ktamovich, G‘ijduvon tumani "Xo‘ja Abdulxoliq G‘ijduvoniy" jome' masjidi imom xatibi Amonov Orif Azimovichlar qatorida tuman sektor rahbarlari, tuman hokimining o‘rinbosarlari, tuman hokimligi boshqaruv apparati mas'ul xodimlari, tuman tashkilot rahbarlari va ularning o‘rinbosarlari, tuman bo‘limlari kadrlari, jismoniy va yuridik shaxslar murojaatlari bilan ishlash, korrupsiyaga qarshi ichki nazorat tuzilmalari rahbarlari hamda mahalla fuqarolar yig‘inidagi hokim yordamchilari ishtirok etishdi.
Seminarda davlat hokimiyati va boshqaruv organlari mansabdor shaxslari orasida korrupsiyaning har qanday ko‘rinishlariga qarshi keskin kurashish, yuklatilgan funksional xizmat vazifalarni qonun talablari asosida sidqidildan bajarish, tanish-bilishchilik, mas'uliyatsizlik, ta'magirlik va manfaatlar to‘qnashuviga hamda korrupsiyaga oid huquqbuzarliklarga yo‘l qo‘ymaslikka, davlat xizmatchisining kasb etikasi, odob-axloq qoidalariga qat'iy rioya etgan holda yuklatilgan vazifalarni halollik, mas'uliyat va sadoqat bilan ado etish, manfaatlar to‘qnashuvining oldini olish, korrupsiyaga oid huquqbuzarliklarning barvaqt profilaktikasi yuzasidan qonunchilik talablari yig‘ilganlarga tushuntirib o‘tildi.
