2016 yil 10-11 mart kunlari Buxoro davlat universiteti tashkil etilganligining 85 yilligiga bag’ishlab “Yuqori malakali kadrlar tayyorlashning dolzarb masalalari” mavzusidagi ilmiy-amaliy anjuman bo’lib o’tdi. Oliy va o’rta maxsus ta’lim vazirligi, Buxoro viloyat hokimligi, Buxoro davlat universiteti qo’llab-quvvatlashi orqali tashkil etilgan bu katta tadbir ulug’ ayyom Navro’z arafasida uning azaliy an’analariga muvofiq universitetning rekonstruksiyadan chiqarilgan bosh binosi, universitet muzey-laboratoriyasi tantanali ochilishi bilan boshlandi. Uni viloyat hokimi, Oliy Majlis senatori M.T.Esanov kirish so’zi bilan ochdi. Shundan so’ng O’zbekiston Respublikasi Oliy va o’rta maxsus ta’lim vaziri o’rinbosari B.Sh.Usmonov va universitet rektori A.A.To’laganovga so’z berildi. Tantanali ochilish marosimidan so’ng anjuman o’z ishini boshladi. Unda viloyat hokimi va vazir o’rinbosarining tabrik nutqlaridan keyin bir guruh professor-o’qituvchi hamda ishchi-xodimlar taqdirlandi. Universitetning 85 yillik tarixi xususida rektorning nutqi hamda “Buxoro davlat universiteti: kecha va bugun”, “Ilm va ta’lim fidoyilari”, “Suratlarda Buxoro davlat universiteti tarixi”, “Unutilgan tarix”, “Inson qadri ulug’, xotirasi muqaddas”, “Buxoro davlat universitetining tarixiy va zamonaviy o’quv binolari hamda inshootlari” kitoblarining, Buxoro viloyati televideniyasi hamkorligida yaratilgan “Mustaqillik quyoshidan nur olgan dargoh” nomli hujjatli filmning taqdimot marosimi o’tkazildi.Ushbu anjuman doirasida Erasmus Plyus, UNIWORK, INOKAST dasturlari loyihalarining yig’ilishi, Xalqaro psixologiya fanlari akademiyasining seminari ham o’tkazildi. Tadbirda 80 dan ortiq xorijlik mehmonlar ishtirok etdi. Ulardan Germaniyaning O’zbekistondagi elchisi N.X.Vissing, O’zbek-yapon markazi direktor o’rinbosari Yu.Ishikava, Alikante universiteti xalqaro hamkorlik markazi direktori R.Eskarre, Xalqaro psixologiya fanlari akademiyasi prezidenti V.V.Kozlov, Moskva davlat universiteti professori V.F.Petrenko, London universiteti professori Xose Xines Moralar so’zga chiqishdi. Shuningdek, Rossiya, Litva, Qozog’iston, Qirg’iziston, Tojikiston, Turkmaniston kabi mustaqil hamdo’stlik davlatlaridan hamda respublikamizdagi turli OTMlardan tashrif buyurgan anjuman qatnashchilarining Buxoro davat universiteti tashkil etilganligining 85 yilligi munosabati bilan tabriklari tinglandi.Anjumanda London universiteti professori Xose Xines Moraning “Oliy ta’lim tizimining ish bilan bandlikni oshirishdagi ahamiyati” mavzusidagi ma’ruzasi tinglandi. Undan so’ng anjuman sho’’balarida “Yuqori malakali kadrlar tayyorlashning o’ziga xos xususiyatlari va uning samaradorligini oshirish yo’llari”, “Oliy ta’lim tizimida malaka oshirish, qayta tayyorlash va xorijiy tillarni o’qitish mexanizmlarini takomillashtirish yo’nalishlari”, “Zamonaviy ta’lim texnologiyalarining ta’lim sifatini oshirishdagi o’rni va ahamiyati”, “Bitiruvchilarni ish o’rinlari bilan ta’minlash jarayonida kasbiy tayyorgarlikni kuchaytirish masalalari”, “Oliy ta’lim muassasalarida innovasion hamkorlikni rivojlantirish yo’nalishlari” bo’yicha ma’ruzalar bo’lib o’tdi.Anjumanning yopilish va taqdirlash marosimidan so’ng tashrif buyurgan mehmonlar Buxoroning tarixiy obidalari bo’ylab sayohatga olib chiqildi.Shu anjuman doirasida Markaziy Osiyo oliy ta’lim muassasalarida karera markazlari faoliyatini kuchaytirish orqali bitiruvchilarning ish o’rinlarini yaratish hamda ishga joylashish imkoniyatlarini kengaytirish maqsadida amalga oshirilayotgan UNIWORK loyihasining “Yoshlar o’rtasida ish bilan bandlik va tadbirkorlik masalalari bo’yicha mintaqaviy forum”i, Oliy ta’lim muassasalari va ishlab chiqarish sohasi o’rtasidagi innovasion hamkorlikni rivojlantirshga qaratilgan INOKAST loyihasining yig’ilishi ko’pchilikda katta qiziqish uyg’otdi.Bu kabi anjumanlarning tashkil etilishi va o’tkazilishi yurtimizdagi tinchlik va osoyishtalik, iqtisodiy yuksalishlar ilm-fan rivojiga keng yo’l ochayotganidan, unga bo’lgan ulkan e’tibor tufayli tobora ravnaq topib, jahon miqyosiga ko’tarilib borayotganidan dalolat beradi. Ayni paytda, bunday ilmiy anjumanlar mamlakatimizda yoshlarni ilmga havasli qilib o’stirishda, ularning ma’naviy immunitetini ilm orqali oshirishda, qolaversa, ellararo do’stlik va hamkorlik rishtalarini muskahkamlab, barqaror tinchlikka erishishda katta ahamiyat kasb etishi, shubhasizdir.[widgetkit id=74] Tashkilotchilarning manzili:Buxoro shahri, M.Iqbol ko’chasi, 11 Tel.: 0(365) 221 29 14Email: This email address is being protected from spambots. You need JavaScript enabled to view it. Faks: 0(365) 221 27 07
