Joriy yilning 20-sentyabr kuni BuxDU tuzulmasidagi Qatag‘on qurbonlari xotirasi muzeyiga O‘zbekiston Respublikasi Vazirlar Mahkamasi huzuridagi Qatag‘on qurbonlari xotirasi muzeyi direktor, tarix fanlari doktori, professor B.V.Hasanov tashrif buyurdilar.
Tashrifdan ko‘zlangan maqsad 2020-yil 8-oktyabrda O‘zbekiston Respublikasi Prezidentining “Qatag‘on qurbonlarining merosini yanada chuqur o‘rganish va ular xotirasini abadiylashtirishga doir qo‘shimcha chora-tadbirlar to‘g‘risi”da F-5598 sonli farmoyishining viloyatlardagi muzeylarda ijrosini nazorat qilish va ilmiy-amaliy ko‘mak berishdan iborat. Yurtboshimizning 2022-yil 31-avgust kuni Shahidlar xotirasi xiyoboniga tashrifi vaqtida jadidlar nomini ulug‘lash va ular bilan bog‘liq hujjatlarni izlab topish, yosh avlodga ularning ilmiy merosini targ‘ib qilish kabi muhim vazifalar qo‘yildi. B.V.Hasanov tashrif jarayonida buxorolik jadidlarning buyuk xizmatlarini e’tirof etib, muzey xodimlari oldida turgan aniq vazifalarni belgilab berdi. Kelgusida qilinadigan ishlar rejasi tuzib chiqildi. B.V.Hasanov so‘nggi bir yil ichida tubdan yangilangan BuxDU tuzulmasidagi Qatag‘on qurbonlari xotirasi muzeyi ekspozitsiyalari va ularning dizayni masalasida ham qimmatlii maslahatlar va ko‘rsatmalar berib o‘tdilar.
Azalshoh Hamroyev,
BuxDU tuzilmasidagi Qatag‘on qurbonlari
xotirasi muzeyi direktori
