Bugun universitetga Anqara Yildirim Boyazid universiteti vakili Xalqaro Arbitraj markazi direktori o'rinbosari, O’zbekistondagi universitetlar bilan akademik hamkorlikni muvofiqlashtirish huquqiga ega professor Samet Tatar va Toshkent davlat universiteti professori S.Gulyamov tashrif buyurdi. Tashif davomida hamkor universitet vakilini Yoshlar masalalari va ma`naviy-ma`rifiy ishlar bo’yicha birinchi prorektor A.Amonov boshchiligida Tarix va madaniy meros fakulteti dekani J.Jurayev, Xalqaro hamkorlik bo’limi boshlig’i M.Qilichovlar tomonidan kutib olindi.
Tashrif davomida universitet bosh kampusi tanishtirilib, yo’nalishlar, mutaxassisliklar to’g’risida ma’lumotlar berildi. Shuningdek, o’zaro hamkorlikni rivojlantirish bo’yicha o’tgan uchrashuvda tomonlar talaba va professor-o’qituvchilar almashinuvini jonlantirish, hamkorlikda barcha fan yo’nalishlarida konferensiyalar o’tkazish, qo’shma grant loyihalarda ishlash, ARMlar faoliyatini muvofiqlashtirish masalasida fikrlarni almashdilar.
Uchrashuv so’ngida belgilangan vazifalar bo’yicha qisqa muddatda ikki tomonlama yo’l xaritani ishlab chiqish va hamkorlik faoliyatini kengaytirish kelishib olindi.
Ma’lumot uchun, universitet va Turkiyaning Anqara Yildirim Boyazid universiteti o’rtasida bilan 2020-yil yanvar oyida o’zaro hamkorlik shartnomasi imzolangan.
