Bugun Buxoro davlat universiteti tashabbusi bilan imkoniyati cheklangan talabalar uchun “Yangi O‘zbekiston yoshlari birlashaylik ” shiori ostida “Matonatli yoshlar” forumi o‘tkazildi.
Forumga Buxoro viloyatidagi barcha oliy ta’lim muasasalaridan imkoniyati cheklangan talabalar taklif etildi. Forum doirasida imkoniyati cheklangan talabalar o‘rtasida sportning stol tennisi, armresling, shaxmat, shashka turlari bo‘yicha minimusobaqalar o‘tkazildi.
Ijodkor imkoniyati cheklangan talabalardan Jismoniy madaniyat fakulteti 2-bosqich talabasi Saidmurodov Hojiakbarning rassomchilik, kulolchilik yo‘nalishidagi ijod namunalari, san’atshunoslik fakulteti 1-bosqich talabasi Nurmuxammedov Bekzodning o‘z yo‘nalishidagi ijodiy ishlari, Buxoro davlat tibbiyot institutining talabasi Ashurov Dilshodning ijodiy ishlaridan iborat ko‘rgazma tashkil etildi.
Universitet Axborot resurs markazi tomonidan yangi o‘quv va badiiy adabiyotlar ko'rgazmasi, Universitet YOIBT yetakchisi Karimov Feruz tomonidan viloyatdagi oliy ta’lim muasasalaridan kelgan jamoalar o‘rtasida ZAKOVAT intellektul o‘yini tashkil etildi.
Forumni universitet rektori O.X.Xamidov samimiy dil so'zlari bilan ochib berdilar, rektor tomonidan imkoniyati cheklangan yoshlarni bugundan boshlab Matonatli yoshlar deb atash taklifi berilganda ushbu taklif forum ishtirokchilari tomonidan iliq kutib olindi.
Forumga O‘zbekiston Respublikasi nogironlar assotsotsiyasi Buxoro viloyati hududiy boshqarmasi boshlig‘i tashrif buyurib, viloyatdagi imkoniyati cheklangan talaba yoshlar o‘rtasida yil davomida yutug‘larga erishgan iqtidorli talabalarni sovg‘a va diplomlar bilan taqdirladi.
Forum doirasida “Matonat minbari” nomi ostida imkoniyati cheklangan talabalar o‘z iqtidorlarini namoyish etdilar. Filologiya fakulteti talabasi Mexmonova Shodiya go‘zal tarona ijro etgan bo'lsa, Sharipov Shaxzod va Sharipov Oxunjonlar go‘zal qo‘shiqlari bilan o‘z iqtidorlarini namoyon etdilar.
“Yangi O‘zbekiston yoshlari birlashaylik” shiori ostidagi “Matonatli yoshlar forumi”da Dzyudo bo‘yicha Ikki karra Osiyo chempioni, Ikki karra Osiyo o‘yinlari chempioni va Jahon Kubogi chempioni Sherzod Namozov ham tashrif buyurib, forum ishtirokchilariga o‘z yo‘llaridan og‘ishmay doim olg‘a yurishlarini tilab, barchani tabriklab, forum tashkilotchilariga minnatdorchilik bildirdi.
