Hurmatli universitetimiz jamoasi!
Qadrli professor-o’qituvchilar, jamoadoshlar va aziz talabalar!
Sizlarni muborak Ramazon Hayiti munosabati bilan chin qalbimdan samimiy tabriklayman.
O`zgacha shukuh, ko`tarinki kayfiyat, shodlik va mehr tarannumi bo`lgan Ramazon hayiti Musulmon dunyosida mag`firat va tenglik oyi, oylarning sultoni, eng yaxshisi bo`lgan Ramazon oyida qilingan sabr, insonparvarlik, mehr-oqibat, xayr-u saxovatga berilgan saodat ayyomidir desak, aslo mubolag`a bo`lmaydi.
Azaliy an’ana va qadriyatlarimizni asrab-avaylash hamda keng targ’ib etish, xalqimizning ezgu niyat va orzu-intilishlarini qo’llab-quvvatlash mohiyatini mujassam qilgan bayram xalqimizni birodarlikka, bahamjihat va totuv yashashga undaydigan, sabr ortidan keladigan yaxshiliklarga ishonch uyg`otadigan, yetimlar ovutilib, ko`ngil so`raladigan g`animat kunlardan keyingi qutlug` ayyom sifatida nishonlanadi.
Yurtimizdagi yangilanishlar, yuksalishlar, fan va ta’limga, insoniylikka e’tibor shukronasi o`laroq xalqimiz farovonligi, Vatanimiz tinchligi bardavom bo`lsin. Bunday hayitlar qabimizga shodlik olib kelaversin. Ezgu ishlarimiz muvaffaqiyat qozonaversin.
Yana bir bor barchangizni o’z nomimdan Ramazon hayiti bilan muborakbod etaman!
Oilalaringizga, jamoamizga baxt-saodat, tinchlik va xotirjamlik tilayman! Barchamizni yuksak insonparvarlik va fidoyilik fazilatlari tark etmasin! Barcha ezgu niyatlar ro’yobga chiqsin!
Hurmat bilan,
Buxoro davlat universiteti rektori,
iqtisodiyot fanlari doktori, professor Obidjon Xamidov
