Mohiyatan, sport salomatlik garovi ekanini barchamiz yaxshi bilamiz. Oʻzbekistonda sport bilan shugʻullanish ommaviy tus olayotgani quvonarli hol. Sogʻlom turmush tarziga amal qilayotgan yurtdoshlarimiz soni kun sayin koʻpayib borayotgani, kattalar esa bu borada yoshlarga namuna bo`layotganini maqtovga sazovor.
Buxoro viloyatida, xususan, Buxoro davlat universitetida ham talaba-yoshlarni vatanparvarlik ruhida tarbiyalash, ma'naviy sog'lom, jismonan yetuk bo`lishlari, ularning barcha sport musobaqalarida faol qatnashishlariga, sportni yanada rivojlantirishga yoʻnaltirilgan tadbirlarni ommalashtirishga alohida eʼtibor qaratilmoqda.
Millionlar o`yini bo`lgan Futbol sport turiga yoshlarni qiziqtirish, aholi orasida yanada ommalashtirish maqsadida O`zbekiston Respublikasi Prezidenti maslahatchisi Abdujabbor Abduvohidov tashabbusi bilan “Umid” stadionida Futbol musobaqasi bo`lib o`tdi.
Taassurotlarga boy tarzda o`tgan "Rektorlar" va "Talabalar" jamoasi o'rtasidagi Futbol musobaqasi qiziqarli va ko`tarinki kayfiyatda o`z nihoyasiga yetdi. Yakuniy hisob esa, 6:5, “Rektorlar” jamoasining qo`li baland keldi.
Musobaqa davomida tomoshabinlarga taqdim etilgan konsert dasturi, havaskor san’atkorlarning chiqishlari musobaqaning yanada fayzli o'tishiga zamin yaratdi.
