Buxoro davlat universiteti rektori O.Xamidov joriy yilning 4-8-aprel kunlari O‘zbekiston Respublikasining Isroil davlatidagi elchixonasi hamda Xolon texnologiyalar instituti hamkorligida tashkil etilayotgan “Isroilda O‘zbekiston ilm-fani kunlari – xalqlar do‘stligini mustahkamlash yo‘lida” mavzusidagi xalqaro anjumanda ishtirok etish, Isroilning yetakchi oliy taʼlim va ilmiy tadqiqot muassasalari faoliyati bilan tanishish, Xolon texnologiya instituti bilan hamkorlik munosabatlarini muhokama qilish maqsadida O‘zbekiston delegatsiyasi tarkibida Isroil davlatida xizmat safarida bo‘ladi.
Safar rejasiga Xolon texnologiyalar institutidan tashqari, X.Veyman nomidagi ilmiy-tadqiqot instituti, Quddusdagi yahudiy universiteti, “So‘g‘diyona” ijodkor ziyolilar xalqaro uyushmasi va boshqa bir qator muassasalarga tashriflar kiritilgan
