Buxoro viloyatida qishloq xo‘jaligida zamonaviy agrotexnikalarni joriy qilish bilan rivojlantirishda innovatsion raqamli texnologiyalarni qo‘llash sohadagi istiqbolli rejalarni amalga oshirishda muhim omil hisoblanadi. Buxoro davlat universiteti rektori Obidjon Xamidov boshchiligida tashrif buyurilgan “Buxoro agroklaster” MCHJda shu yo`nalishdagi ishlar ijobiy bahoga loyiq.
Ona yurtimiz tuprog’i chorvachilik hamda ziroatchilikka anchagina qulay hisoblanganligi uchun yurtimizda qadim-qadimdan ushbu soha rivojlanib kelgan. Hozirgi kunga kelib birgina chorvachilik nafaqat oila to’qchiligi uchun, balki yaxshigina daromad manbayiga ham aylanib ulgurdi. Shu qiyosni butun bir korxona timsolida tasavvur qilib ko`ring. “Buxoro agroklaster”ida Sut mahsulotlarini qayta ishlash orqali xalqimiz va eksport uchun mo’ljallangan 44 turdagi mahsulotlar ishlab chiqarilayotgani, Italiya texnologiyasi asosida ish olib borilayotgani tahsinga sazovor.
Buxoro davlat universiteti rahbariyati, Agronomiya va biotexnologiya fakulteti dekani hamda talabalarining bir guruhi “Buxoro agroklaster”ida olib borilayotgan ishlar ko`lamining guvohi bo`lishdi. BuxDu rektori Obidjon Xamidov hamda korxona direktori Azamat Sultonov yuqori malakali raqobatbardosh kadrlar tayyorlashni mamlakatning ijtimoiy-iqtisodiy taraqqiyoti istiqbollari, jamiyat ehtiyojlari, ilm-fan, texnika va texnologiyalarning zamonaviy yutuqlaridan kelib chiqqan holda tubdan takomillashtirish maqsadida oʻzaro hamkorlik aloqalari boʻyicha shartnoma imzolashdi.
BuxDU rektori Obidjon Xamidov klasterni ko`zdan kechirish, ko`lamini o`rganish asnosida talabalarning ish bilan bandligini ta’minlashga e’tibor qaratdi. Iqtisodiyot fakulteti talabalarini ham ushbu klasterga olib kelish rejalashtirildi.
Korxonada universitetning Agronomiya va biotexnologiya fakultetining kafedra filiali ochildi. Ushbu filialda talabalar, magistrantlar, doktorantlar korxona tajribasini o`rganish imkoniga ega bo`ldilar.
Ma’lumot o`rnida aytish joizki, ushbu klasterda viloyat miqyosida manfaatli tuproqshunoslik labaratoriyasi mavjud. Laboratoriyada viloyatning 8 ta tumanidagi tuproqlar tahlil qilinadi. Tuproqlar tahlil qilingach, fermerlarga maxsus dastur asosida tavsiyalar beriladi. Barcha asbob-uskunalar Germaniyadan olib kelingan. Aniq tahlillar kafolatlangan.
