Yaratganga shukrki, ezgu niyatlar, yangi orzu-istaklar debochasi, yasharish va yangilanish fasli bo’lgan Navro’z ayyomi Buxoro davlat universiteti jamoasiga cheksiz quvonch bag’ishlab kirib kelmoqda. Istiqlol tufayli Navro’zga xos azaliy an’analar qayta tiklandi. Unga xos shunday qadrli an’analardan biri obod joyda ish boshlashning xayrli sanalishidir.Shu an’ana asosida o’tgan o’quv yilida universitetimizning 1700 o’rinli 2-o’quv laboratoriya binosi tantanali ochilgan bo’lsa, mana bugun yana shu qutlug’ ayom oldidan, qolaversa, universitetimizning 85 yillik to’yi nishonlanayotgan bir pallada 1750 talabaga mo’ljallangan 1-o’quv binosi va 550 nafar talaba joylashadigan 5- va 6- Talabalar turar joyi ham bitkazildi. Buning natijasida Buxoro davlat universiteti jamoasi 3450 talaba o’qiydigan muhtasham binolarga va 1650 o’ringa mo’ljallangan zamonaviy Talabalar turar joyiga ega bo’ldi. Albatta, bu ezgu ishlar Muhtaram Prezidentimiz tomonidan 2011 yil 20 mayda qabul qilingan “Oliy ta’lim muassasalarining moddiy-texnika bazasini mustahkamlash va yuqori malakali mutaxassislar tayyorlash sifatini tubdan yaxshilash chora-tadbirlari to’g’risida”gi 1533-sonli Qarorning amaliy ijrosi hamdir.Universitetda olib borilgan bu bunyodkorlik jarayonida “Elit” kompaniyasi loyihalash ishlarini, 206-korxona qurilish-ta’mirlash ishlarini olib bordi. Mazkur yaratuvchanlik doirasida 11 milliard so’mlik mablag’ sarflandi. Hammasi bo’lib 2013-2016 yillarga mo’ljallangan ta’mirlash-bunyodkorlik ishlariga ajratilgan mablag’lar hajmi qirq besh milliard so’mdan oshadi.{videobox}p0aKaDFAZ48|Mustaqillik quyoshidan nur olgan dargoh|width=400,height=300,t_width=215{/videobox}Mamlakatimizda yoshlar ta’lim-tarbiyasiga muhtaram Yurtboshimiz rahnamoligida juda katta e’tibor va g’amxo’rlik ko’rsatilmoqda. Bu e’tibor va g’amxo’rlik nishonasi, albatta, Buxoro davlat universiteti o’quv binolarining moddiy-texnik bazasini mustahkamlashga yo’naltirilayotgan mablag’lar hajmining yildan-yilga ortib borayotgani misolida ham kuzatiladi. [widgetkit id=73]
