2016 yil 25 fevral sanasida Buxoro davlat universiteti Tarix kafedrasi va Toshkent irrigatsiya va melioratsiya institutining Yer tuzish va yer kadastri kafedrasi hamkorligida Insitutnin 1- sonli Talabalar turar joyida davra suhbati o’tkazildi. Tadbirda Buxoro davlat universiteti Tarix kafedrasi katta ilmiy xodim-izlanuvchisi O.Klichev va Toshkent irrigatsiya melioratsiya instituti Yer tuzish va yer kadastri kafedrasi mudiri S.Asatov, kafedra o’qituvchilari i.f.n S.Tojiyeva, D.Jumayev, E.Karimov, J.Pirimovlar ishtirok etishdi.Tadbirda “Buxoro merosi” ilmiy tadqiqot markazining “Yoshlarning Buxoro viloyati madaniy merosi haqidagi bilimlarini boyitish” loyihasi doirasida “Buxoro vohasidagi arxeologik va tarixiy yodgorliklarning mamlakatimiz tarixidagi o’rni va ahamiyati ” mavzusidagi ma’ruza tashkil etildi.Davra suhbati doirasida Buxoro vohasining eng qadimgi Zomonbobo, Uchtut va Ijond, Varaxsha va Poykent arxeologik manzilgohlari xususida talabalarga ma’lumot berildi. Ma’ruzada har bir arxeologik manzilning tarixi uning o’rganilishi va bugungi kundagi ahamiyati tushuntirildi. Bu yodgorliklarning vohadagi arxeologik turizm rivojidagi o’rni mavjudligi ham alohida qayd etildi. Ma’ruzaning yana bir ahamiyatli jihati shundaki, talabalarda arxeologik yodgorliklar haqida aniq tasavvur uyg’otish maqsadida yodgorlik rasmlari joylashgan taqdimot slaydi namoyish etildi. Ma’ruza so’ngida talaba yoshlar ma’ruzachi O.Klichevdan Buxoro vohasi tarixi masalalari yuzasidan o’zlarini qiziqtirgan savollariga atroflicha javob olishdi.
