2015 yil 10-mart kuni Buxoro davlat universiteti Fizika-matematika fakulteti “Matematik fizika va analiz” kafedrasi talabalari “Keksalarni e’zozlash” yili davlat dasturi ijrosini ta’minlash va maqsadida “8 mart-Xalqaro xotin-qizlar kuni”ga bag’ishlab Buxoro shahri Abay ko’chasi 59 uyda joylashgan ayollar muruvvat uyida “Keksalarni e’zozlash – barchamizning farzandlik burchimizdir” deb nomlangan bayram dasturini o’tkazishdi.Tadbirni fizika-matematika fan nomzodi dotsent N.H.Mamatova va A.A.Rahmonovlar boshchiligida tashkil etildi.O’zbek xalqining milliy taomi bo’lgan “sumalak” tayyorlanib, Murruvat uyidagi keksalar uchun dasturxon yozildi.Tadbirni “Matematik fizika va analiz” kafedrasi mudiri fizika-matematika fanlari nomzodi, dotsent R.T.Muxitdinov kirish so’zi bilan ochib berdi. R.T.Muxitdinov yaqinda bo’lib o’tgan “8 mart-Xalqaro xotin-qizlar” kuni hamda yaqinlashib kelayotgan 21-mart “Navro’z“ bayrami bilan keksalarni tabriklab, talabalarga navbat berdi. Tadbirda Matematika ta’lim yo’nalishi 1-kurs talabalari sahna ko`rinishlari bilan chiqishlar qilishdi.
