So’nggi yillar mobaynida universitetda bir qator qurilish-ta’mirlash va bunyodkorlik ishlari amalga oshirilmoqda. Jumladan O’zbekiston Respublikasi Prezidentining 2011 yil 20 maydagi PQ-1533 sonli Qarorining ijrosi ta’minlash maqsadida quyidagi ishlar bajarilgan: 2015 yilda jami 17 mlrd. 603 mln. so’mlik qurilish ta’mirlash ishlari amalga oshirildi. 2015 yil mart oyida foydalanishga topshirilgan 2-o’quv binosi uchun 373,1 mln so’mlik o’quv auditoriya mebel jihozlari, 71,9 mln. so’mlik laboratoriya jihozlari sotib olindi. Universitetning Bosh o’quv binosi va 3-o’quv binolarida jami 11 mlrd. 368 mln. so’mlik qurilish-ta’mirlash ishlarini amalga oshirish rejalashtirilgan. Bosh bino uchun 341 mln. so’mlik o’quv auditoriya mebellari olindi.5 va 6 talabalar turar joyi binolarida 5 mlrd 854,2 mln so’mlik qurilish ishlari olib borilmoqda. Mazkur talabalar turar joyi binolari uchun 350,5 mln so’mlik mebel jihozlari tayyorlab qo’yildi. Hozirgi kunda universitet hududida 3 sotixli issiqxona faoliyat ko’rsatmoqda. Ushbu issiqxonada universitetda faoliyat ko’rsatayotgan umumiy ovqatlanish shaxobchalari uchun turli xildagi, bozor narxidan arzon va sifatli sabzavot maxsulotlari etishtirilishi mo’ljallangan. Universitet talabalar turar joyi hududida 20 o’ringa mo’ljallangan hojatxona binosi qurilishi davom etmoqda.
