Talaba-yoshlarni san’atga muhabbat ruhida tarbiyalash va ma’naviy kamolotga yo‘naltirish hamda iqtidorli yoshlarga o‘z imkoniyatlarini yuzaga chiqarish uchun sharoit yaratish maqsadida universitetda “Talabalar teatr- studiyasi” tashkil etildi. Teatr – studiyaning faoliyat yuritishi uchun iste’dodli yoshlardan iborat ijodiy jamoa shakllantirilmoqda. Teatr san’atiga qiziqishi bor, san’atsevar, iqtidorli talaba-yoshlarimizni ushbu jamoaga taklif qilib qolamiz.Shuningdek, teatr-studiyaga qo‘yiladigan sahna asarlari uchun «Eng yaxshi senariy» tanlovini e’lon qilamiz. Sahnalashtirish uchun taqdim etilgan asarlar, ishlab chiqilgan loyihalar, spektakllar tanlov asosida saralanib olinadi va mualliflari rag‘batlantiriladi. Tanlovga barcha professor-o‘qituvchi va talabalar ishtirok etishi mumkin. Senariy tayyorlashda quyidagi mavzularga murojaat qilishlaringiz tavsiya etiladi:- Vatanga muhabbat, xalqqa sadoqat, vatanparvarlik g‘oyalari,- Milliy qadriyatlarimizni ulug‘lash va e’zozlash g‘oyalari,- Ta’lim muassasasi, mahalla va oiladagi qadriyatlarni ulug‘lash,- Bunyodkorlik va mehnatsevarlik g‘oyalari,- YOshlik, do‘stlik va tinchlik g‘oyalari,- Zararli g‘oya va oqimlarga qarshi kurashish,- Odam savdosiga qarshi kurashish,- “Ommaviy madaniyat” ning salbiy oqibatlariga qarshi kurashish,- Ekologik muammolarning oldini olish,- Ichkilikbozlik va chekishga qarshi kurashish,- Erta turmush va qarindoshlar o‘rtasidagi nikohga qarshi kurashish,- Mahalliychilik va urug‘- aymoqchilikka qarshi kurashish,- Muomala madaniyatidagi kamchilik va nuqsonlarga qarshi kurashish,- Kiyinish madaniyatidagi kamchilik va illatlarga qarshi kurashish,- Xushomadgo‘ylik va ta’magirlik holatlariga qarshi kurashish,- Dunyoda kechayotgan hodisalarga munosabat. Qo‘shimcha ma’lumotlar uchun universitet Ma’naviyat va ma’rifat bo‘limiga murojaat qilishingiz mumkin (Tel: 600-99-73). Manzil: Buxoro davlat universiteti qoshidagi 4-son akademik litseyida joylashga BuxDU Ma’naviyat va ma’rifat bo‘limi.
