Buxoro davlat universiteti “Kamolot” yoshlar ijtimoiy harakati boshlang’ich tashkiloti tomonidan tashkil qilingan Odam savdosi –umr vabasi mavzusidagi tadbirda Buxoro viloyati prokrorining katta yordamchisi, adliya maslaxatchisi X.B.Hasanov, Viloyat ichki ishlar boshqarmasining odam savdosiga qarshi kurashish bo’limi katta tezkor vakili mayor O.A. Qurbonovlar o’z ma’ruzalarida hozirgi kunda dunyo aholisini tashvishga solayotgan bu turdagi illatlarinsonlarga xavf tug’dirish yo’li bilan qo’rqitish, jismoniy va ruhiy tazyiq o’tkazish, nomusga tegish, hujjatlarni o’g’irlash orqali amalga oshirilishi haqida aytib o’tdilar. Odam savdosi-inson, uning sha’ni, qadr-qimmati, osoyishta turmushi hamda kelajagiga tahdid solayotgan uyushgan jinoyatchilik ko’rinishlaridan biri bo’lib, girdobiga asosan yoshlarni va ayollarni tortayotgani bilan barcha insonlarga katta tashvish va xavotir uyg’otayotganini takidlab o’tdilar. Shunaqa turli xildagi illatlarga qo’shilmaslik uchun ekan har bir inson befarq bo’lmasligi va ogoh bo’lishini yana bir bor takidladilar. Shundan so’ng “Oydinda oy qidirgan ojizalar” xujjatli film namoyish etildi. Tadbir davomida talabalar tomonidan berilgan savollarga kerakligicha javob berdilar.
