10-dekabr kuni Toshkent irrigatsiya va qishloq xo‘jaligini mexanizatsiyalash muhandislari instituti Buxoro filialida Erasmus+ axborot sessiyasi va metodologik seminar o‘tkazilgan, unda dasturning yangi tanlovi yangiliklari, imkoniyatlari va loyihalarni tayyorlash bo‘yicha taqdimotlar o‘tkazilgan edi. Axborot kunida BuxDU vakillari ham ishtirok etishdi. Shu jumladan, xalqaro hamkorlik bo‘yicha prorektor A.T.Jo‘rayev "TALENT: Markaziy Osiyoda tnson resurslarini boshqarish magistratura dasturlarini yaratish" loyihasi doirasida amalga oshirilgan, yangi ochilgan magistratura dasturi va erishilgan natijalari haqida ma‘lumotlar taqdim etdi.Bugun 11-dekabr kuni esa Erasmus+ Milliy ofisi koordinatori A.Abduraxmanova, milliy ofis eksperti Q.Baxadirov, loyiha-menejer G.Karlibayevalar Buxoro davlat universitetiga tashrif buyurishdi. Tashrif davomida Milliy ofis vakillari universitetda amalga oshirilayotgan loyihalar, ularning barqarorligi, kutilayotgan natijalar bo‘yicha maʼlumotlarni olishdi. Erasmus+ kredit mobilligi loyihalari doirasida xorijda taʼlim olgan va stajirovkalardan o‘tgan talaba va o‘qituvchilar bilan suhbatda akademik mobillik natijasida qo‘lga kiritilgan bilim, ko‘nikma va tajribalar xususida suhbatlashildi.Milliy ofis vakillari shuningdek 2013-2016 yillarda amalga oshirilgan YUNIVORK loyihasining natijalariga tayangan holda hamda bugungi kunda amalda bo‘lgan TALENT loyihasi maqsadlaridan kelib chiqib tashkil etilgan "Raqamli iqtisodiyot va inson resurslarini rivojlantirish markazi" faoliyati bilan ham tanishishdi. Ushu markazda amalga oshirilayotgan ishlar yuqori baholandi.Taʼkidlash joizki, Buxoro davlat universiteti Tempus IV va Erasmus+ dasturlari doirasida amalga oshirilgan va joriy loyihalar soni bo‘yicha (jami 15 ta) respublikamizda ikkinchi o‘rinni egallab kelmoqda.BuxDU Xalqaro hamkorlik bo'limi
