Kuni kecha universitetimizda Fransiya va O’zbekiston davlatlari o’rtasida ta’lim sohasidagi hamkorlikni yanada mustahkamlash, Buxoro davlat universiteti va Frankofon davlatlari Oliy ta’lim mussasalari bilan o’zaro hamkorlikni tobora rivojlantirish maqsadida Fransiyaning O’zbekistondagi elchixonasi ta’lim masalalari bo’yicha hududiy maslahatchisi - Serj Bellini tashrif buyurdi.Mehmonni Buxoro davlat universiteti rektori i.f.d., professor Obidjon Hafizovich Hamidov, universitet xalqaro hamkorlik ishlari bo’yicha prorektor, dostent A.T.Jo’rayev, Xorijiy tillar fakulteti dekani, professor M.M.Jo’rayeva, Nemis va fransuz tillari kafedrasi mudiri D.H.Karimova, Xorijiy tillar fakulteti o’quv ishlari bo’yicha dekan muovini O.O.Bobokalonovlar iliq kutib olishdi. Tashrif chog`ida BuxDU hamda Fransiya OTM lararo talabalar almashinuvini yo’lga qo’yish, fransuz tili o’qituvchilarini stajirovka o’tashi uchun malaka oshirish kurslarini tashkil etish, xorijiy va milliy tajribani yo’lga qo’ygan holda fransuz tilini samarali o’qitish, til mutaxassilarining BuxDU ga kelib dars o’tishlarini kengroq yo’lga qo’yish, bakalavr ta’lim yo’nalishini tugatgan talabalarni Fransiyaning OTM larida magistratura hamda doktorantura bosqichlarini davom ettirishini keng tashkil etish, fransuz va o’zbek maktablararo hamkorlikni yanada rivojlantirish hamda samarali faoliyat olib borishni ta’minlash kabi masalalar ijobiy muhokama etildi.BuxDU Matbuot xizmati
