Bugun BuxDUning katta faollar zalida professor-o'qituvchilar uchun 1 oktabr - “O'qituvchi va murabbiylar kuni” munosabati bilan bayram tadbiri o'tkazildi.Tadbir avvalida BuxDU rektori Obidjon Xamidov barcha ustozlarga tabrik so`zini yo`lladi:“ Siz azizlardek fidoiy, zahmatkash, o‘z shogirdlariga bilim berish barobarida ular qalbiga eng go‘zal ezgu xislatlarni, mehr-oqibat va odamiylik tuyg‘ularini singdirib borayotgan yuksak ma’rifatli insonlar bilan bir safda ekanligimdan faxrlanaman va Sizlarni qadrlayman.Oliygohimizda ta’lim samaradorligini oshirish, ilm-fan rivojini yuksaltirish, zamonaviy fan sohalarini egallashda, Times Higer Education reytingida kuchli mingtalikka kirishdek yuksak marralarni zabt etishimizda Sizlarning salohiyatingiz, iqtidor va mahoratingizga ishonaman.Bu yorug‘ olamda hammamiz umr bo‘yi o‘rganuvchimiz. Hamisha kimdandir, nimadir o‘rganamiz, kimlargadir namuna, ibrat bo‘lamiz. Barchalaringizni ulug‘ ayyom bilan samimiy qutlab Sizlarga mustahkam sog‘lik, baxt va omad, xonadonlaringizga tinchlik-xotirjamlik, fayz-u baraka tilayman!”BuxDU Kasaba uyushmasi raisi S.Q. Qahhorov so`zga chiqib, ustoz va murabbiylarga samimiy tabriklarini yo`lladilar. Bayram munosabati bilan universitetning bir guruh ustozlari taqdirlanildi.Shundan so`ng, barcha ustozlar BuxDU rahbariyati tomonidan yozilgan bayram dasturxoniga taklif etildi. Yuqori kayfiyat ulashish maqsadida uyushtirilgan tadbir shu asno kuy-qo`shiqlar jo`rligida davom etdi.BuxDU Matbuot xizmati
