Moskva shahridagi M.V. Lomonosov nomidagi Moskva davlat universiteti binosida Rossiya-O‘zbekiston ikkinchi ta’lim forumi bo`lib o`tmoqda.Rossiya-O‘zbekiston ta’lim forumi ikki mamlakat o‘rtasida ta’limning barcha bosqichlaridagi hamkorlik masalalari muhokamasi uchun o‘ziga xos platforma vazifasini o‘taydi. Bu yilgi ikkinchi forum kun tartibiga ilmiy sohada ham hamkorlik masalalari kiritilgan.Tadbirda ikki tomondan oliy, umumiy o‘rta va maktabgacha ta’lim hamda ilm-fan sohalari uchun mas’ul vazirlik va tashkilotlar vakillari ishtirok etmoqdalar. Rossiya tomonidan tadbirning asosiy tashkilotchilari – Ilm-fan va oliy ta’lim vazirligi, M. V. Lomonosov nomidagi Moskva davlat universiteti, O‘zbekiston tomonidan esa forumga Oliy va o‘rta maxsus ta’lim vazirligi boshchilik qilmoqda. Shuningdek, forumda ishtirok etuvchi O‘zbekiston delegatsiyasi tarkibi mamlakatdagi davlat oliy ta’lim muassasalari va filiallar rektorlaridan iborat. BuxDU universiteti rektori Obidjon Xamidov ham ushbu delegatsiya tarkibida forumda ishtirok etmoqda.Tadbirning birinchi kuni yalpi majlis bilan boshlandi, ikki tomonlama hujjatlarni imzolash, sho‘balardagi chiqishlar va ta’lim, ilm-fan, kadrlar tayyorlash hamda rus tilini o‘qitish masalalari bo‘yicha muhokamalar jarayoni amalga oshirildi.Ikki kunga mo`ljallangan Forumning ikkinchi kunida e O‘zbekiston OTM rektorlari uchun interaktiv seminar tashkil etilib, ular Moskvadagi OTMlarga tashrif buyurishlari ko`zda tutilgan.BuxDU Matbuot xizmati
