Bugun Buxoro davlat universiteti katta faollar yig`ingohida "O`zbekiston Qahramoni" unvoni sovrindorlari bilan universitetning iqtidorli talabalari uchrashuvi bo`lib o`tdi. Uchrashuv doirasida Buxoro tumani "Madaniyat Muxammad Ismat" fermer xo‘jaligi rahbari M.I. Axmedov, Shofirkon tumani "Azim Shofirkon yulduzi" fermer xo‘jaligi rahbari A.Sh. Latipov hamda mehnat faxriylari T.I. Narziyev, M.A. Raxmatova, M. Temirovalar tashrif buyurdilar.Uchrashuv avvalida mehmonlar BuxDu rektori O.X.Xamidov huzurida bo`lib, dildan suhbatlashdilar. Shundan so`ng faollar yig`ingohiga kuy-qo`shiqlar hamohangligida uchrashuv uchun yo`l oldilar. Uchrashuvni BuxDU rektori O.X.Xamidov ochib berdi.“Barchangizga ma’lumki, «O‘zbekiston Qahramoni» unvoni oliy darajadagi mukofot bo‘lib, O‘zbekiston Respublikasining fuqarolariga davlat va xalq oldidagi qahramonona jasorat ko‘rsatish bilan bog‘liq xizmatlari uchun beriladi. Mamlakatimiz iqtisodiy salohiyatini yuksaltirish, uning jahon miqyosidagi shon-shuhratini oshirish, Vatanimiz obodligi, turmushimiz farovonligini ta'minlash borasidagi katta xizmatlari, so'nggi yillarda Yangi O'zbekistonda jadallik bilan olib borilayotgan tub islohotlar jarayonidagi tashabbuskorligi, davlat va xalq manfaatlari yo'lidagi fidokorona mehnati, ishlab chiqarish va ijtimoiy-ma'naviy sohalardagi ko'p yillik samarali va ibratli faoliyati, yoshlarimizni vatanparvarlik, milliy va umuminsoniy qadriyatlarga hurmat ruhida tarbiyalashga qo'shgan katta hissasi hamda ijtimoiy hayotdagi faol ishtiroki uchun taqdim etiladigan «O'zbekiston Qahramoni» unvoni har bir vatanparvar o`zbekning qalbidagi orzusi, desak mubolag`a bo`lmaydi.Mamlakatimizda o`z faoliyati, ezgu ishlari bilan ko`pchilikka ibrat va namuna bo`layotgan “O`zbekiston Qahramon”larini ko`payib borayotgani barchamizni xursand qiladi. Sizlar bilan uchrashish talabalarimizning o`quv faoliyatida ruh berishiga, ularning shijoatiga shijoat qo`shishiga ishonaman. Ushbu tashabbusni qo‘llab-quvvatlab, tashrif buyurganingiz benohiya ahamiyatlidir. O`zbekiston ravnaqiga hissa qo`shish yo‘lida aslo charchamang!”Tadbir davomida tashrif buyuruvchilar talabalarga o`zlarining ibratli hayot yo`llari xususida gapirib berishdi.“Yurt koriga yarash bu balandparvoz ibora emas. Bu mashaqqatli va sharafli hayot yo`li, halol peshona teri, butun umr Yer bilan tillashish, bedor o`tgan tun va kunlar deganidir. Bizning mana shu mehnatimizning yuksak darajada qadr topgani bu yurtda barcha islohotlar inson uchun ekanligining dalilidir”, – dedi "Madaniyat Muxammad Ismat" fermer xo‘jaligi rahbari M.I. Axmedov.“ E’tibor uchun, e’tirof uchun Buxoro davlat universiteti jamoasiga minnatdorchilik bildiraman. Ushbu davrada aql-zakovati, mehr-oqibati, ilmiy va ijodiy faoliyati bilan tengqurlariga ibrat bo`lib, go`zal yurtimizda tinchlik va hamjihatlikni saqlashga beqiyos hissa qo`shib kelayotgan bo`lg`usi “O`zbekiston qahramonlari” o`tiribdi. O`g`il-qizlarim, Yangi O`zbekistonni barpo etish yo`lida fidokorona faoliyat yuritishingizga tilakdoshman. Kelajakda sizday iqtidorli, salohiyatli yoshlarimiz bizning munosib davomchilarimiz bo`lishiga also shubham yo`q.” - deya samimiy tilaklarini bildirdi Mehnat faxriysi M.A.Raxmatova.Qizg`in ruhda, samimiy savol-javoblarga boy tarzda o`tgan uchrashuv yakunida mehmonlarga universitet rahbariyati tomonidan esdalik sovg`alari ulashildi.BuxDU Matbuot xizmati
