Bugun Buxoro davlat universitetining bosh yig'ingohida talaba-yoshlar orasida "1 dekabr -Butunjahon OITSga qarshi kurashish kuni" munosabati bilan Yoshlar bilan ishlash, ma'naviyat va ma'rifat bo'limi bilan hamkorlikda targ'ibot tadbiri tashkil etildi. Tadbirda O'zbekiston Respublikasi Ichki Ishlar Vazirligi Jinoyat qidiruv bosh boshqarmasi mas'ul xodimi Jo'rayev Shoxrux Usmonovich, viloyat OITSga qarshi kurash markazi mutaxassis shifokori Sattarova Dilafruz, Buxoro viloyat Ichki Ishlar Boshqarmasi Jinoyat qidiruv boshqarmasi xodimi Ostonov Sharif Umarovich, Milliy gvardiya Buxoro viloyat boshqarmasi boshlig'i o'rinbosari Bozorov Jo'rabek Rustamovich, Buxoro viloyati Ichki Ishlar Boshqarmasi Jinoyat qidiruv boshqarmasi boshlig'i Beshimov Baxtiyor Iskandarovich, viloyat Sog'liqni Saqlash Boshqarmasi bo'lim boshlig'i Mirzayeva Osiyo Zarifjanovnalar ishtirok etdilar.Tadbirni universitet rektori, Iqtisod fanlari doktori, professor Xamidov Obidjon Hafizovich kirish so'zi bilan ochib, bugungi tadbirning tashkil etilganligi bejiz emasligi, yoshlarimizning sog'lom turmushga targ'ibot etishda yoshlarni sportga jalb etish, sog'lom turmush tarzini shakllantirish, yoshlarning bo'sh vaqtlarini mazmunli tashkil etish borasida keng ko'lamli ishlar olib borilayotganligini ta'kidladi.Targ'ibot tadbiri davomida sog'lom turmush tarzi insonning kun tartibiga rioya etishi, faol harakat asosida organizmni chiniqtirishi, sport bilan shug'ullanishi, to'la va sifatli ovqatlanishi, gigiyenik qoidalarga amal qilishi, zararli odatlardan o'zini tuta bilishi uqtirildi. OITS va OIV infeksiyalarining yuqish yo'llari, kasallikka chalinganlarning statistik ma'lumoti, ular borasida sodir etilayotgan jinoyatlar va jazo choralari to'g'risida talaba-yoshlarga ma'lumot berib o'tildi.Tadbir davomida joriy yilning 8-25 noyabr kunlari universitetning @buxdu_5tashabbus - rasmiy kanalida 1 dekabr - xalqaro OITSga qarshi kurash kuni munosabati bilan "OITSsiz_kelajak - sari" shiori ostida "Eng yaxshi plakat" va "Eng yaxshi videorolik" nominatsiyalari bo'yicha o`tkazilgan tanlov g'oliblari tuniversitet rektori Obidjon Xamidov tomonidan diplom va esdalik sovg'alar bilan taqdirlandilar. OITS kasalligining yuqish yo'llari va zararli oqibatlari to'g'risidagi videorolik namoyishi yig`ilganlarga OITS kasalligining oqibatlari hamda unga qarshi kurashish kerakligini uqtirdi.BuxDU Matbuot xizmati
