Buxoro davlat universitetida 2014 yilning iyunoyidan 2015 yil mart oylarida davomida amalga oshirilgan ishlar bo`yicha sarhisob qilinsa, O`zbekiston Respublikasi davlat mustaqilligining yigirma uch yilligi bayramiga bag`ishlab “Yagonasan, muqaddas Vatanim, sevgi va sadoqatim senga baxshida, go`zal O`zbekistonim!” degan shiorni asosiy g`oya sifatida o`zida mujassam etgan tashkiliy-amaliy, madaniy-ma’rifiy tadbirlar, Mustaqillik bayramiga tayyorgarlik ko`rish va uni o`tkazish bo`yicha qator ishlar amalga oshirildi. Bayram kunlari mahallalardagi etim, nogiron, kam ta’minlangan oilalar farzandlari, yolg`iz keksalar, mehnat faxriylari, “Mehribonlik uylari” va bolalar maxsus-maktab internatlari tarbiyalanuvchilari holidan xabar olish ishlari tashkil etildi. O`zbekiston Respublikasi davlat mustaqilligi bayrami, Ustozlar va murabbiylar hamda Konstitutsiya kunlariga bag`ishlab universitetda taniqli olimlar, adiblar va san’atkorlarni jalb etgan holda universitetda 50 tadan ortiq uchrashuvlar, jonli muloqotlar va suhbatlar, adabiy-badiiy kechalar, madaniy tadbirlar o`tkazildi.O`zbekiston Respublikasi Konstitutsiyasi qabul qilinganligining 22 yilligiga bag`ishlab “O`zbekiston Respublikasi Konstitutsiyasi - mamlakat taraqqiyoti va jamiyat farovonligining huquqiy kafolati” targ`ibot loyihasini viloyatda amalga oshirish maqsadida universitet ishchi guruhi shakllantirildi. Reja asosida viloyatning bir qator tashkilotlarida konstitutsiya mavzusida tadbirlar o`tkazildi.Universitet professor – o`qituvchilaridan tuzilgan ishchi guruhlar 2014 yilning 21 dekabr kuni O`zbekiston Respublikasi Oliy Majlisi Qonunchilik palatasi, Xalq deputatlari viloyat, tuman va shahar Kengashlariga, 29 mart kuni O`zbekiston Respublikasi Prezidentligiga bo`lib o`tgan saylovlar munosabati bilan Buxoro shahri va tumanlardagi saylov uchastkalarining tayyorgarlik ahvolini muntazam ravishda mahalliy hokimliklar bilan hamkorlikda o`rganib, kamchiliklarni bartaraf etish bo`yicha amaliy yordam ko`rsatdilar. Shuningdek, universitet professor-o`qituvchilari va talabalari joriy yilning 21 dekabr va 29 mart kunlari kuni saylovda ovoz berish jarayonlarida uyushqoqlik bilan ishtirok etishdi. Joriy yilning 20 mart kuni “Keksalarni e’zozlash yili”ga bag`ishlab universitet faxriylari va xodimlari uchun bayram dasturxoni tashkil etildi. Kadrlar tayyorlash milliy dasturida belgilangan vazifalardan kelib chiqib universitetda kadrlar tayyorlash strukturasini takomillashtirish, o`quv jarayoni va o`quv uslubiy jarayonini modernizatsiyalash maqsadida mavjud fakultet va kafedralarning tashkiliy tuzilmasi ishchi guruh tomonidan o`rganildi. Davr talablaridan kelib chiqqan holda Badiiy grafika fakulteti tashkil etildi, hamda ta’lim yo`nalishlariga mos ravishda kafedralarning nomlanishi qayta ko`rib chiqildi. Universitet fakultet va kafedralar tashkiliy tuzilmasi universitet Ilmiy Kengashida muhokama etilib tasdiqlandi va 26.08.2014 yilda OO`MTV bilan kelishildi. O`qitishni modul tizimi asosida amalga oshirish uchun DTS, o`quv reja, ishchi o`quv reja, fan dasturlarining o`zaro mutanosibligini nazorat qiluvchi dastur ishlab chiqildi va elektron dars tuzilmasini yaratish, unga multimedia va animatsiyalarga asoslangan o`quv materiallarini joylashtirish dasturi yaratildi. “Reyting to`g`risida”gi Nizomga asosan talabalarning elektron shakldagi qaydnomalari joriy etildi. 2014-2015 o`quv yilining ikkinchi yarim yilligidan boshlab universitetning uchta fakultetida guruh jurnallari va mashg`ulotlarning elektron shaklini tadbiq etish bo`yicha ishlar olib borilmoqda. Universitetda fan, ta’lim va ishlab chiqarishning innovatsion korporativ hamkorligini ta’minlash, ilmiy-tadqiqot natijalarini iqtisodiyotga keng tadbiq qilish, talabalar nazariy bilimlarini amaliyotda mustahkamlash kabi ustuvor vazifalarni hal qilish maqsadida Ilmiy park (ilmiy-amaliy markazi)ni tashkil qilish ishlari boshlandi. Hozirda uning Nizomi ishlab chiqildi va uni tashkil qilish uchun joy ajratilib, amaliy ishlar boshlandi.Universitet ilmiy salohiyatidan kelib chiqib, qo`shimcha 2 ta ixtisoslik bo`yicha katta ilmiy xodim-izlanuvchilik instituti ochish taklifi berildi va OO`MTV ruxsati olindi. 2015 yil uchun katta ilmiy xodim-izlanuvchilar institutiga 10 ta ixtisoslik bo`yicha jami 13 nafar talabgor qabul qilindi. O`zbekiston Respublikasi Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qo`mitasi tomonidan e’lon qilingan Amaliy va Innovatsion loyihalar tanlovida professor-o`qituvchilarning keng ishtiroki ta’minlandi. 21 nomdagi loyiha tanlovga taqdim etilib, 3 ta loyiha bo`yicha 30 mln. so`mlik ishlarni bajarish boshlandi.O`zbekiston Respublikasi OO`MTV, O`zbekiston Fanlar akademiyasi, Fan va texnologiyalarni rivojlantirishni muvofiqlashtirish qo`mitasi, O`zbekiston Respublikasi Vazirlar Mahkamasi huzuridagi Oliy Attestatsiya komissiyasi va BuxDU hamkorligida 2014 yil 14 noyabr kuni “O`zbekiston Respublikasida 2014 yilda yoshlarga oid davlat siyosatini amalga oshirishga qaratilgan qo`shimcha chora-tadbirlar dasturi” ijrosi yuzasidan “Intellektual yoshlar - fan va ta’lim” mavzusida yosh olimlar uchun seminar-uchrashuvi o`tkazildi.O`zbekiston Respublikasi Prezidentining 2014 yil 6 fevraldagi PQ-2124-sonli Qarori bilan tasdiqlangan “O`zbekiston Respublikasida 2014 yilda yoshlarga oid davlat siyosatini amalga oshirishga qaratilgan qo`shimcha chora-tadbirlar Dasturi”ning “Iqtidorli yoshlarni qo`llab – quvvatlash, ijodiy va intellektual salohiyatini ro`yobga chiqarishga qaratilgan ishlarni tizimli yo`lga qo`yish” borasidagi IV-yo`nalishining 35-bandida belgilangan vazifalar ijrosi bo`yicha O`zbekiston Respublikasi Prezidentining «Iste’dod» jamg`armasi, O`zbekiston Respublikasi OO`MTV, O`zbekiston Fanlar akademiyasi, “Kamolot” yoshlar ijtimoiy harakati Markaziy Kengashi, Fan va texnologiyalarni rivojlantirishni muvofiqlashtirish qo`mitasi va BuxDU bilan hamkorlikda 20-21 noyabr kunlari “XXI asr – intellektual avlod asri” shiori ostidagi yosh olimlar va iqtidorli talabalarning respublika ilmiy-amaliy anjumani yuqori saviyada tashkil qilindi. Universitetning kafedra mudiri H.O. Jo`raev tabiiy fanlar yo`nalishi bo`yicha faxrli 1-o`rinni egalladi.BuxDUda 26 noyabr kuni “Barkamol avlod – buyuk yurt istiqboli” mavzusidagi respublika ilmiy-amaliy anjumani hamda 4-5 dekabr kunlari O`zbekiston Respublikasi OO`MTV, O`zMU falsafiy tadqiqotlar o`quv-ilmiy kompleksi, NavDPI bilan hamkorlikda “Ilmiy - innovatsion hamkorlikni rivojlantirishning dolzarb masalalari” mavzusidagi respublika ilmiy-amaliy seminari o`tkazildi. BuxMTIda 2014 yil 27 noyabr kuni o`tkazilgan Innovatsion g`oyalar, texnoogiyalar, ishlanmalar va loyihalar hududiy yarmarkasida universitet professor-o`qituvchilari o`zlarining 10 ta loyihasi bilan ishtirok etishdi va 2 ta loyiha faxrli 2- va 3- o`rinlarga sazovor bo`ldi. BuxDU va viloyat hokimligi xalq ta’limi boshqarmasi bilan hamkorlikda viloyatning 41 ta umumta’lim maktablari bilan shartnomalar imzolandi. Viloyatdagi umumiy o`rta ta’lim muassasalari tarkibi, joylashuvi, pedagog kadrlar bilan ta’minlanganligi hamda o`quv - moddiy bazasining tahlili asosida fanlar bo`yicha tayanch “Mahorat maktablari” tashkil etildi. Universitetning etakchi professor- o`qituvchilarini jalb etgan holda “Mahorat maktablari” huzurida o`qituvchi kadrlarning zamonaviy axborot-kommunikatsiya vositalarini qo`llash hamda ilg`or pedagogik texnologiyalarni egallashlari bo`yicha doimiy faoliyat yuritadigan seminarlar tashkil etilmoqda.Universitetga biriktirilgan viloyatdagi 37 ta o`rta maxsus, kasb-hunar ta’limi muassasalari faoliyatini o`rganish va ularga o`quv-uslubiy yordam berish bo`yicha qo`shma buyruq, hamkorlik dasturi, chora-tadbirlar rejasi ishlab chiqilgan. 2014-2015 o`quv yili uchun BuxDUning 250 dan ortiq professor-o`qituvchilari Ishchi guruhlarda ushbu yo`nalish bo`yicha faoliyat olib bormoqda. BuxDU va viloyat hokimligi, o`rta maxsus, kasb-hunar ta’limi boshqarmasi bilan hamkorlikda 24-27 dekabr kunlari akademik litsey va kasb-hunar kollejlari o`quvchilari o`rtasida viloyatning shahar va tuman kesimlarida fan olimpiadasining 2-bosqichi bo`lib o`tdi. Bitiruvchilarning yakuniy monitoringi oktyabr – noyabr oylarida o`tkazildi. 2015-2016 o`quv yili qabul kvotalarini shakllantirildi va Oliy va o`rta maxsus ta’lim vazirligiga taqdim etildi. 2014 yil paxta xom ashyosini o`z vaqtida va sifatli terib olishga 5356 nafardan ortiq universitet professor-o`qituvchilari, ishchi xodimlar hamda talabalari safarbar etildi. Paxta mavsumi oxiriga qadar jami 10110 tonnadan ortiq paxta terib olindi. 2014-2015 yillarda kuz-qish mavsumini barqaror va betalofat o`tkazish borasida universitetning bosh va 2-3 o`quv binolari, 6 ta talabalar turar joyi binolarini issiqlik energiyasi bilan ta’minlash maqsadida joriy yilning sentyabr-oktyabr oylarida zamonaviy qozonxona (modul) o`rnatildi. 2014 yilning avgust oyida barcha issiqlik tizimlarini yuqori bosim ostida yuvish ishlari tugatilib, tegishli dalolatnomalar tuzildi. SHuningdek, qo`shimcha sug`orish ishlarini olib borish maqsadida drenaj o`rnatildi.Universitet Harbiy fakultetining barcha o`quv xonalaridagi barcha ko`rgazmali vositalar lotin alifbosidagi o`zbek yozuviga almashtirildi. Fakultetning 1-qavati to`liq joriy ta’mirdan o`tkazildi. “Saf maydoni”ga yangi plakatlar joylashtirildi. Fakultet oshxonasining bir qismi ta’mirlanib, 100 nafar talabaga mo`ljallangan o`quv xonasi tashkil etildi. Bino er to`lasi to`liq ta’mirlanib, u erga 15 komplekt sport inventarlari o`rnatildi va sport zali qo`shimcha jihozlandi. Mazkur er to`lada o`q otish tiri kichik kalibrli vintovkalar bilan ta’minladi. SHuningdek, ommaviy qirg`in qurollaridan himoyalash bo`yicha qo`shimcha jihozlar olindi. Universitetning moddiy-texnika bazasini yaxshilash hamda o`quv jarayoniga axborot kommunikatsion texnologiyalarini qo`llash ishlarini takomillashtirish maqsadida 90 ta kompyuter jamlanmasi, 20 ta printer hamda 10 ta proektorlar xarid qilindi. Respublika miqyosida o`tkaziladigan yilning eng yaxshi o`quv adabiyoti muallifi – 2014 yil tanlovida 12 nafar muallif ishtirok etdi va ulardan 4 nafari g`olib deb topildi. Jumladan, 2 nafari 1-o`rin, 1 nafari – 3-o`rin, 1 nafari – rag`batlantiruvchi o`rinni qo`lga kiritdi. Universitet iqtidorli talabalaridan 2 nafari Navoiy nomidagi va 1 nafari Ulug`bek nomidagi davlat stipendiyalariga sazovor bo`lishdi. Professor-o`qituvchilar bilan mehnat shartnomasini tuzish, ularning faoliyati natijalari asosida shartnomani o`zgartirish tizimini joriy etish uchun universitetda «Saralash komissiyasi» tuzildi va uning faoliyati bo`yicha Nizomini tegishli mezonlar asosida yaratilib Ilmiy Kengashdan o`tkazildi. SHuningdek, professor-o`qituvchilarning shaxsiy ish rejasidan tashqari bajargan ishlariga qo`shimcha beriladigan reyting ballari mezoni ishlab chiqilib, Ilmiy kengashda tasdiqlandi. 2014-2015 o`quv yili qabulida 36 ta’lim yo`nalishlari va 14 magistratura mutaxassisliklari bo`yicha qabul jarayoni olib borildi.BuxDU huzuridagi “Pedagog kadrlarni qayta tayyorlash va ularning malakasini oshirish mintaqaviy markazi” da2014 yil iyun-dekabr oylarida 130nafar (oliy ta’lim, jami: 186 nafar, dekabr oyida 21 nafar tahsil olmoqda, shu bilan reja 100% bajariladi), 369 nafar (o`rta maxsus kasb-hunar ta’limi), professor-o`qituvchilar malaka oshirdi, shuningdek, 2014 yilning 6 oyi davomida 100 nafar O`MKHT tizimida faoliyat ko`rsatayotgan nopedagog mutaxassislar pedagogik qayta tayyorlash kursida tahsil olishlari uyushtirildi. Universitet professor-o`qituvchilari va iqtidorli talabalarining “Keksalarni e’zozlash yili”ga bag`ishlangan 59-an’anaviy ilmiy-amaliy anjumani yuqori saviyada tashkil qilindi va va joriy yilning 11-13 mart kunlari o`tkazildi.OO`MTVning 2015 yil 16 fevraldagi 51-sonli buyrug`iga binoan 27-28 mart kunlari “Oziq-ovqat bozori va agrar infratuzilma xizmatlari ko`rsatishni rivojlantirish yo`llari” va 30-31 mart kunlari “Globallashuv sharoitida yoshlarni yot g`oya va mafkuralardan muhofaza qilishning ijtimoiy-psixologik xususiyatlari” mavzularidagi respublika, 27-28 mart kunlari “O`rta maxsus va oliy ta’lim tizimida faoliyat ko`rsatayotgan pedagog kadrlarning kasbiy kompetentligini takomillashtirish” mavzusidagi vazirlik miqyosidagi anjumanlar o`tkazildi.Evropa Komissiyasining TEMPUS dasturi loyihalari doirasidagi ishlar jadallashtirildi. Ushbu davrda loyihalarning biri muvaffaqiyatli yakunlandi, 6 ta loyiha bo`yicha ishlar davom ettirilmoqda. Loyihalarning biri bo`yicha 27 ming evrodan ortiq mablag`ga laboratoriya va texnik jihozlar olib kelish bo`yicha ishlar olib borilmoqda. Hisobot davrida Tempus loyihalari doirasida 11 marta xizmat safari tashkillashtirildi. YUNIVORK deb nomlanuvchi loyiha doirasida BuxDUda bitiruvchilarning ishga joylashishi monitoringini yuritish tajribasi Evropa va Markaziy Osiyo mamlakatlaridan hamkor OTMlar vakillariga taqdim qilindi. Erasmus Mundus akademik almashinuv dasturi borasida ham muayyan yutuqlarga erishildi. Hisobot davrida universitetning 3 nafar professor-o`qituvchisi Evropa universitetlarida o`tilgan ilmiy tadqiqot safaridan qaytib kelishdi. 3 nafar professor-o`qituvchi ilmiy tadqiqot safariga, 2 nafar bakalavriat va 1 nafar magistratura talabasi ta’lim olish uchun jo`nab ketishdi. Hisobot davrida 6 ta xorijiy delegatsiyalar bilan uchrashuvlar o`tkazildi. SHu jumladan, Germaniya va AQSHning O`zbekistondagi elchilari bilan o`tkazilgan uchrashuvlarda o`zaro hamkorlikning ustivor yo`nalishlari muhokama qilindi va bir qator dastlabki kelishuvlarga erishildi. Britaniya Kengashining O`zbekistondagi direktori Mark Krossi bilan uchrashuvda BuxDUda 2009 yildan beri amalga oshirilayotgan PRESETT loyihasi natijalari yuqori baholandi. Koreya xalqaro hamkorlik agentligi KOYKAning O`zbekistondagi rahbari Im Djong Xi bilan uchrashuvda turizm sohasi bo`yicha volontyorlar yuborilishi borasida kelishildi. Hisobot davrida Germaniyaning Potsdam mutaxassislashgan instituti bilan hamkorlik shartnomasini imzolash borasida kelishib olindi. Germaniyaning "KNAUF" kompaniyasi bilan hamkorlikda "Amaliy san’at" o`quv markazini ochish borasida ishlar olib borilmoqda. Hozirda Respublikamiz iqtisodiyotiga dolzarb bo`lgan, kadrlar etishmayotgan yo`nalishlar va mutaxassisliklarni (arxeologiya, arxitektura, arxitektura yodgorliklarini tiklash, bino va inshootlar qurilishi, falsafa, tuproqshunoslik) ochish bo`yicha takliflar va asosnomalar tayyorlanib, OO`MTVga taqdim etildi. BuxDU xodimlar kasaba uyushmasi tomonidan universitet professor-o`qituvchilari va ishchi-xodimlarining dam olishlarini tashkil etish uchun jami 28 ta yo`llanma berildi. Madaniy-ommaviy, sport tadbirlari va moddiy yordam uchun esa jami 15 mln. 821 ming so`m miqdorida mablag` sarflandi. 2015 yilda BuxDUning 85 yilligini nishonlash bo`yicha ishchi guruhi tuzildi va universitetda tuzilgan «Oqsoqollar Kengashi» a’zolari va professor-o`qituvchilar bilan universitet tarixi kitobini va muzeyini tashkil etish, shuningdek shu sanaga bag`ishlab «Muqobil energiyalardan foydalanish» anjumanini o`tkazilishi kelishib olindi va hozirda universitet faoliyatini modernizatsiyalash bo`yicha 2015-2025 yillarga mo`ljallangan ustuvor yo`nalishlar ishlab chiqilmokda. 2014 yilning dekabr oyida o`tkazilgan O`zbekiston Respublikasi Oliy majlisi Qonunchilik palatasi, Xalq deputatlari viloyat, shahar va tumanlar kengashlari deputatligiga o`tkazilgan saylovlarda universitetning 10 nafar professor-o`qituvchilari o`z nomzodlarini qo`yib, saylovlarda faol ishtirok etishdi. Universitet rektori Xalq deputatlari Buxoro viloyati kengashi deputati etib saylandi.O`zbekiston Respublikasi Prezidentining PQ-1533-sonli Qarorining ijrosi asosida universitetda amalga oshiriayotgan ishlar doimiy ravishda monitoring qilib kelinmovda. 2015 yilning 20 mart kuni universitet 2-o`quv-laboratoriya binosining tantanali ochilish marosimi o`tkazildi. Hozirda 3500 talabaga mo`ljallangan 1 va 3-o`quv korpuslari va 550 kishiga mo`ljallangan “Talabalar turar joyi”ning 5 va 6 binolarda qurilish-ta’mirlash ishlari olib borilmoqda.Ayni paytda universitetda viloyatning boshqa OTMlari (Buxoro muhandislik texnologiya instituti, Buxoro davlat tibbiyot instituti, Toshkent stomatologiya instituti Buxoro filiali, Toshkent Irrigatsiya va melioratsiya instituti Buxoro filiali) bilan hamkorlikda “Buxoro mintaqasi barqaror rivojlanishining ekologik mummolari va ularni ilmiy-texnikaviy, amaliy hal qilish yo`llari” mavzusida kompleks ilmiy-amaliy loyiha tayyorlanmoqda. BuxDUrektori A.A. Tulaganov
