O‘zbekiston Respublikasi Vazirlar Mahkamasining 2021-yil 2 martdagi 78-farmoyishi ijrosini ta’minlash maqsadida Buxoro davlat universitetida joriy yilning 9-10 sentyabr kunlari “XXI asr psixologiyasi” mavzusida ilmiy-amaliy anjuman o‘tkazildi.Ilmiy anjumanda universitetning Xalqaro hamkorlik munosabatlarini rivojlantirishda, o‘zining munosib hissasini qo‘shib kelayotgan xorijlik hamkorlardan Buyuk Britaniyaning Sasseks universiteti professori Gaysina Darya Aleksandrovna, Rossiyaning Xalqaro Psixologiya fanlari akademiyasi prezidenti Kovlov Vladimir Vasilovich, Rossiya ta’lim akademiyasi professori psixologiya fanlari doktori, professor Malix Sergey Borisovich, Qirg‘iziston-Rossiya Slavyan universiteti professori Ageyeva Irina Aleksandrovna, Ukraina pedagogika fanlari milliy akademiyasining pedagogika instituti psixologiya fanlari nomzodi, katta ilmiy xodim Chudakova Vera Petrovnalar ishtirok etishdi. Ular bilan bir qatorda mamlakatimizdagi nufuzli ta’lim dargohlari vakillari, jumladan, O‘zbekiston Respublikasi Xalq ta’limi vaziri maslahatchisi, Psixologiya fanlari doktori, professor Shoumarov Gʻayrat Baxromovich, Mirzo Ulug‘bek nomidagi Milliy universitet professori Muhammedova Dilbar Gafurjanovna, Qarshi davlat universiteti professori Jabborov Azim Meliqulovich, Fayziyeva Mavluda Xudayarovna, Maqsadova Mehriniso Sayxanovna, Navoiy viloyati xalq ta’limi xodimlarini qayta tayyorlash va ularning malakasini oshirish hududiy markazi direktori Ro‘ziqulov Faxriddin Rasulovich, Toshkent, Samarqand, Andijon OTM lari professor-o‘qituvchilari, BuxDU rahbariyati, shu sohada ilmiy tadqiqotlar olib borayotgan mustaqil tadqiqotchilar, doktorant, magistr va talabalar ishtirok etishdi.Anjumanni BuxDU o`quv ishlari bo`yicha prorektor v.b R.G`. Jumayev ochib berdi. Shundan so`ng BuxDU Ilmiy ishlar va innovatsiyalar bo'yicha prorektori, iqtisodiyot fanlari doktori, dotsent (DSc) O.S.Qahhorov hamda BuxDU psixologiya kafedrasi mudiri, psixologiya fanlari nomzodi SH.R Barotov so`zga chiqdilar.Konferensiyaning maqsadi psixologiyaning hozirgi rivojlanish tendensiyalarini muhokama qilish, psixologiyaning turli sohalarida yetakchi mutaxassislar bilan tajriba almashish, psixologiya sohasidagi eng yangi tadqiqot usullarini ommalashtirishdan iboratdir.Konferensiya zamonaviy psixologiya metodologiyasi, integrativ psixologiya: nazariya va metod, ta’lim psixologiyasi. Psixologik xizmatni tashkil qilish, tibbiyot va salomatlik psixologiyasi, ijtimoiy rivojlanishning zamonaviy psixologik muammolari, shaxsning kasbiy rivojlanish psixologiyasi, amaliyotchi psixolog faoliyatida innovatsion texnologiyalari kabi yo‘nalishlarini qamrab olgan.BuxDU Matbuot xizmati