Obodlik ko`ngildan boshlanadi. Asrlar davomida avloddan-avlodga meros bo`lib kelayotgan qadriyat – hashar ham ko`ngil va xalq obodligi yo`lidagi eng savobli tashabbus hisoblanadi. O‘zbekistonda 21-avgust kuni umumxalq xayriya hashari o‘tkazilayotgani munosabati bilan Buxoro davlat universitetida ham obodonlashtirish va ko`kalamzorlashtirish ishlari boshlandi. Erta tongdan universitet hovlisiga saf tortgan BuxDU yoshlar ittifoqi jamoasi va xo`jalik bo`limi xodimlari o‘zlariga biriktirilgan hududlarda obodonlashtirish, tozalash ishlarini boshlab yubordilar. O‘zida poklik, insoniylik kabi ezgu jihatlarni mujassam etgan hashar tadbiri doirasida universitet hovlisi, xizmat xonalari ozoda, shinam va obod holga keltirildi. Daraxtlarga shakl berish, bardyurlarni oqlash, supurish, chiqindilarni belgilangan hududlarga olib chiqish ishlari qizg‘in amalga oshirildi.“Yangi O‘zbekistonda erkin va farovon yashaylik” shiori ostida o‘tkazilayotgan ushbu tashabbus doirasida Buxoro davlat universiteti xodimlari ham O`zbekiston mustaqilligi arafasida obodlikka hissa qo`shishmoqda.BuxDU Matbuot xizmati