Kuni kecha Buxoro davlat universitetining Filologiya, Tarix va madaniy meros, Agronomiya va biotexnologiya, San'atshunoslik, Maktabgacha va boshlang'ich ta'lim fakultetlaridagi mavjud bo‘sh ish o‘rinlariga pedagog-xodimlarni ishga qabul qilish uchun ariza bilan murojaat qilgan kadrlarni saralash tanlovlari yakuni uchun rektor suhbati bo`lib o`tdi. O'tgan bosqichda ariza bilan murojaat qilgan pedagoglar AKT va chet tilidan imtihonni topshirishdi. Bugungi suhbatda AKT hamda chet tili imtihonidan yaxshi natija bilan o'tgan da'vogarlar ishtirok etdi. Suhbat jarayonida pedagog kadrning ilmiy salohiyati, bugungi islohotlardan xabardorlik darajasi, pedagog sifatidagi qobiliyatiga baho berildi. Bo'lajak kadrlar bilan rektor O.X. Xamidov boshchiligida BuxDU rahbariyati, bo'lim boshliqlari, kafedra mudirlari, fakultet dekanlari tomonidan savollar berildi. Yaxshi natija ko'rsatgan pedagoglar keyingi bosqichda ochiq dars o'tib berishlari kerak bo'ladi.BuxDU Matbuot xizmati
