30-iyun kuni universitetimizning hamkorlaridan biri – Oltoy davlat universiteti rahbariyati bilan uchrashuv bo‘lib o‘tdi. Uchrashuvda rektor O.Xamidov, xalqaro hamkorlik bo‘yicha prorektor A.Jo‘rayev, Oltoy davlat universiteti tomonidan esa rektor S.Bocharov hamda xalqaro hamkorlikni rivojlantirish bo‘yicha prorektor R.Raykin ishtirok etishdi.Uchrashuvda o‘zaro hamkorlik masalalari muhokama qilindi hamda baʼzi bir yo‘nalishlarda kelishib olindi. Shu jumladan:- Oltoy davlat universiteti bakalavriat va magistratura dasturlari ko‘rib chiqiladi hamda 2022-2023 o‘quv yilidan boshlab qo‘shma taʼlim dasturlarini yo‘lga qo‘yish imkoniyatlari o‘rganiladi;- O‘zaro hamkorlikning ustivor yo‘nalishlari bo‘yicha yo‘l xaritasi ishlab chiqiladi hamda tasdiqlanadi;- 2021-2022 o‘quv yili uchun Oltoy davlat universiteti magistraturasiga qabul ko‘rsatkichlari ko‘rib chiqiladi hamda BuxDUdan maqsadli magistraturaga yuborish uchun nomzodlar tanlanadi;- Oltoy davlat universitetida faoliyat ko‘rsatayotgan ixtisoslashtirilgan kengashlar, xususan “Iqtisodiyot” ixtisosligida dissertatsiyalar himoya qilish imkoniyati o‘rganib chiqiladi;- Oltoy davlat universiteti xalqaro reytinglarda ko‘tarilib borayotganligini inobatga olgan holda, xalqaro reytinglarda ishtirok etish bo‘yicha strategiyalarni o‘rganib chiqish uchun BuxDU vakili taklif etiladi;- Oltoy davlat universitetida o‘tkaziladigan xalqaro konferensiyalar, xususan 30 sentyabr-3 oktyabr kuni o‘tkaziladigan yirik “Katta Oltoyning turkiy-mo‘g‘ul dunyosi: tarixiy-madaniy meros va bugungi kun” II xalqaro forumida ishtirok etish uchun BuxDU delegatsiyasi taklif etilmoqda.Tomonlar yaqin kunlar ichida ushbu masalalar bo‘yicha amaliy ishlarga o‘tishga kelishib oldilar. Maʼlumot uchun:QS-2022 reytingida 561-570 guruhida o‘rin egallagan Oltoy davlat universiteti Rossiya Federatsiyasining Oltoy o‘lkasi markazi Barnaul shahrida joylashgan. 1973-yilda tashkil topgan. 2017-yilning aprelidan beri hududiy tayanch universitetlar ro‘yxatiga kiritilgan. 2017-yilning dekabrida Rossiya Federatsiyasi Taʼlim va fan vazirligi tomonidan innovatsion, texnologik va ijtimoiy rivojlanishning universitet markazi sifatida tan olingan. Universitet tarkibidagi 12 ta institut hamda 4 ta filialda 16,5 ming nafardan ortiq talaba taʼlim oladi, professor-o‘qituvchilar soni 900 nafardan ortiq.Universitetning rasmiy sayti: https://www.asu.ruBuxDU Xalqaro hamkorlik bo'limi
